ଭକ୍ତ ଓ ଭଗବାନଙ୍କ ଭିତରେ ବାଧକ ଲକଡାଉନ, ମଝିଘରିଆଣୀ ମନ୍ଦିର ଶୂନଶାନ

ରାୟଗଡା: ଭକ୍ତ ଓ ଭଗବାନଙ୍କ ମଧ୍ୟରେ ବାଧକ ସାଜିଛି କୋରୋନା । ଲକଡାଉନ କଟକଣା ଯୋଗୁଁ ରାୟଗଡାର ଅଧିଷ୍ଠାତ୍ରୀ ଦେବୀ ମାଆ ମଝିଘରିଆଣୀଙ୍କ ପୀଠ ଏବେ ଶୂନଶାନ । ମଝିଘରିଆଣୀଙ୍କ ଦର୍ଶନ ପାଇଁ ପଡୋଶୀ ଆନ୍ଧ୍ର ଓ ଛତିଶଗଡରୁ ପ୍ରତି ରବିବାର ଦିନ ଶହ ଶହ ଭକ୍ତ ଆସୁଥିବାବେଳେ ଏବେ କଟକଣା ଯୋଗୁଁ ଗହଳି ଚହଳି ନାହିଁ । ଲକଡାଉନ ଯୋଗୁଁ ମାଆ ମଝିଘରିଆଣୀଙ୍କ ପ୍ରସିଦ୍ଧ ଚୈତ୍ର ପର୍ବ ସାଙ୍ଗକୁ ଘଟଯାତ୍ରା ମଧ୍ୟ ପାଳନ ହୋଇପାରିନାହିଁ । ସୀମିତ ସଂଖ୍ୟକ କର୍ମଚାରୀ ଓ ପୂଜକ ସାମାଜିକ ଦୂରତ୍ବ ରକ୍ଷା କରି ପୂଜାର୍ଚ୍ଚନା ଚଳାଉଥିବା କହିଛନ୍ତି ମୁଖ୍ୟ ପୂଜକ । ରାୟଗଡାରୁ ରଞ୍ଜନ ରଥ, ଇଟିଭି ଭାରତ