ଫୁଲବାଣୀରେ ଆରମ୍ଭ ହେଲା କଳିଙ୍ଗ ହର୍ବାଲ ମେଳା

ଫୁଲବାଣୀ: ଆରମ୍ଭ ହୋଇଛି କଳିଙ୍ଗ ହର୍ବାଲ ମେଳା। ପାଞ୍ଚ ଦିନ ଧରି ଚାଲିବାକୁ ଥିବା ଏହି ମେଳାରେ ରାଜ୍ୟ ବିଭିନ୍ନ ଅଞ୍ଚଳରୁ ଆସିଥିବା ବୈଦ୍ୟ ପାରମ୍ପରିକ ଔଷଧ ଷ୍ଟଲ ମାନଙ୍କରେ ରଖିଛନ୍ତ । ବଲାଙ୍ଗୀର,ବୌଦ୍ଧ,ସୁବର୍ଣ୍ଣପୁର,ଗଞ୍ଜାମ,ଗଜପତି,ମୟୁରଭଞ୍ଜ,କନ୍ଧମାଳ ପ୍ରଭୃତି ବିଭିନ୍ନ ଜିଲ୍ଲାର ବୈଦ୍ୟ ମାନେ ସାଧାରଣ ରୋଗ ନିମନ୍ତେ ବିଭିନ୍ନ ଗୁଳ୍ମରୁ ପ୍ରସ୍ତୁତ ଔଷଧ ମେଳାରେ ରଖିଛନ୍ତି । ଏହା ସହିତ ବିଭିନ୍ନ ଔଷଧୀୟ ଗୁଳ୍ମ ଓ ବୃକ୍ଷ ସମ୍ପର୍କରେ ମେଳାରେ ପ୍ରଦର୍ଶନୀ ମଧ୍ୟ କରାଯାଉଛି। ମେଳାର ସାଂସ୍କୃତିକ ମଞ୍ଚରେ ପ୍ରତିଦିନ ନୃତ୍ୟ ଗୀତ ଲାଗିରହିଛି । ଫୁଲବାଣୀର ଡ୍ୟାନ୍ସ ଏକାଡେମୀର କୁନି କୁନି କଳାକାରଙ୍କ ଆକର୍ଷଣୀୟ ନୃତ୍ୟ ଦର୍ଶକଙ୍କ ମନ କିଣି ନେଇଥିଲା।  କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ