ଦୃଷ୍ଟିହୀନ ଗାୟକ ଜ୍ୟୋତିର୍ମୟ ଦଳାଇଙ୍କ ସନ୍ଧାନରେ ସବ୍ୟ

ଭୁବନେଶ୍ବର: ପୁଣି ଥରେ ଅସହାୟଙ୍କ ସାହାରା ସାଜିଲେ ସବ୍ୟ । ଲକଡାଉନ ସମୟରେ ଶତାଧିକ ଅସହାୟ ଲୋକଙ୍କୁ ସହାୟତାର ହାତ ବଢାଇ ଦୁଃଖୀଙ୍କ ମସିହା ପାଲଟି ଯାଇଛନ୍ତି ଓଲିଉଡ ହିରୋ ସବ୍ୟସାଚୀ ମିଶ୍ର । ଏବେ ସେ ରିଲ ଲାଇଫରୁ ସମସ୍ତଙ୍କ ରିୟଲ ଲାଇଫର ଫେଭରେଟ୍ ହିରୋ ହୋଇଛନ୍ତି । ଆଉ ଆଜି ପୁଣି ତାଙ୍କର ଏକ ମହାନତା ତାଙ୍କୁ ଚର୍ଚ୍ଚାକୁ ନେଇଆସିଛି । ଜଣେ ଦୃଷ୍ଟିହୀନ ବ୍ୟକ୍ତି ସବ୍ୟଙ୍କ ଉଦ୍ଦେଶ୍ୟରେ ଗୀତ ଗାଉଥିବା ଏକ ଭିଡିଓ ଦେଖିବାକୁ ମିଳିଛି ।ଯାହାକୁ ସବ୍ୟ ଖୋଦ୍ ନିଜ ଟ୍ବିଟରରେ ସେୟାର କରିଛନ୍ତି । ଆଉ କ୍ୟାପସନରେ ଲେଖିଛନ୍ତି ଯେ, ଜ୍ୟୋତିର୍ମୟ ଦଳାଇ ବାବୁ ତୁମର ମଧୁର ସ୍ବର ମୋତେ ଭାବପ୍ରବଣ କରିଥିଲା । ତୁମର ମଧୁର ସ୍ବର ଓ ପ୍ରତିଭା ସାରା ଦୁନିଆକୁ ବିସ୍ମିତ କରିବ । ଆଉ ଭବିଷ୍ୟତରେ ତୁମେ କିଛି କର ସେ ନେଇ ମୁଁ ଯୋଜନା କରିଛି । ସବ୍ୟ ଏହା ମଧ୍ୟ ଲେଖିଛନ୍ତି ଯେ, ଯଦି କାହା ପାଖରେ ଏହି ସହୃଦୟ ବ୍ୟକ୍ତିଙ୍କ ଫୋନ ନମ୍ବର ଅଛି ତେବେ ମୋତେ ସେୟାର କରନ୍ତୁ । ଦେଖନ୍ତୁ ସମ୍ପୂର୍ଣ୍ଣ ଭିଡିଓ... ବ୍ୟୁରୋ ରିପୋର୍ଟ, ଇଟିଭି ଭାରତ