ସହାୟତା କେନ୍ଦ୍ରରେ ଅସହାୟ ମଣିଷ, ରକ୍ତ ଠୁ ନିବିଡ଼ ଶ୍ରେୟା, ଲକ୍ଷ୍ମୀ ଓ ଦେବକୀ ସମ୍ପର୍କ

କୋରାପୁଟ: ସମ୍ପର୍କ ଏମିତି ଏକ ଶବ୍ଦ । ଯାହା କେଉଁଠି, କେତେବେଳେ ଆଉ କେଉଁ ସମୟରେ ବି ଗଢି ଉଠିଥାଏ । କେତେବେଳେ ଦୂର ଦିଗବଳୟର ସୀମା ସେପଟର ବିସ୍ତୀର୍ଣ୍ଣ ଜଳରାଶି ପରି ତ, କେବେ ସୁଦୀର୍ଘ ମରୁଭୂମିର ସୁବର୍ଣ୍ଣ ବାଲି କଣିକା ପରି । ପୁଣି ଆଉ କେବେ କେବେ ସମ୍ପର୍କର ଏହି ଅଦୃଶ୍ୟ ସୂତା ଖିଅକୁ ସାଇତି ରଖିବାରେ ଅନେକ ହୁଅନ୍ତି ଅସମର୍ଥ । କିନ୍ତୁ ଆମେ ଆପଣଙ୍କୁ ଯେଉଁ ସମ୍ପର୍କ ଦେଖାଇବୁ, ନା ସେ କେଉଁ ରକ୍ତର ନା ପରିଚୟର । ନିଜର ରକ୍ତ ସେମାନଙ୍କୁ କରିଛି ପର ହେଲେ ସେଇ ପର ସାଜିଥିବା କେଇଟି ମଣିଷଙ୍କ ମଧ୍ୟରେ ଗଢି ଉଠିଛି ସମ୍ପର୍କ ଆତ୍ମୀୟତା, ବନ୍ଧୁତ୍ବ ଆଉ ଭଲ ପାଇବାର । ସେଇ ନିଆରା ସମ୍ପର୍କର ନିଛକ ପ୍ରତିଛବୀ ପାଲଟିଥିବା ତିନି ମଣିଷ ହେଉଛନ୍ତି ଶ୍ରେୟା , ଲକ୍ଷ୍ମୀ ଓ ଦେବକୀ ।