ସବୁଜ ହେଉଛି ଶିଳ୍ପାଞ୍ଚଳ, 500 ଏକର ଜଙ୍ଗଲ ସୃଷ୍ଟି କଲା ବନବିଭାଗ

ଅନୁଗୋଳ: ଖଣି ଖାଦାନ ଓ ପ୍ରାକୃତିକ ସମ୍ପଦରେ ପରିପୂର୍ଣ୍ଣ ଓଡିଶାର ଅନୁଗୋଳ ଜିଲ୍ଲା । ଛୋଟ ବଡ ଶିଳ୍ପ, କଳକାରଖାନା ଏବଂ କୋଇଲା ଖଣି ପାଇଁ ଏଠାରେ ପ୍ରତି ବର୍ଷ ହଜାର ହଜାର ସଂଖ୍ୟାରେ ଗଛ କଟା ଯାଉଛି । ଯାହାର ସିଧାସଳଖ ପ୍ରଭାବ ପରିବେଶ ଉପରେ ପଡ଼ୁଛି । ପ୍ରତିବର୍ଷ ଏ ଅଞ୍ଚଳରେ ବୃଦ୍ଧି ହେଉଥିବା ତାପମାତ୍ରା ତଥା ପାନୀୟ ଜଳାଭାବ ଏହାର ଜ୍ବଳନ୍ତ ଉଦାହରଣ । ତେଣୁ ଜିଲ୍ଲାରେ ଏହି ସମସ୍ୟାକୁ ଏଡାଇବା ପାଇଁ ନୂତନ ପ୍ରୟାସ ଆପଣେଇଛି ଓଡ଼ିଶା ବନ ଉନ୍ନୟନ ନିଗମ । ଗତ 3 ବର୍ଷରେ ପ୍ରାୟ ୫୦୦ ଏକର ଜଙ୍ଗଲ ସୃଷ୍ଟି କରିବାରେ ସଫଳ ହୋଇଛି ବନ ବିଭାଗ ।