ଅସହାୟଙ୍କ ଅନ୍ତିମସଂସ୍କାର କଲେ ସମାଜସେବୀ ସଂଗଠନ

ସୁବର୍ଣ୍ଣପୁର: ବୁଢାରଜା ଯୁବ ସମାଜସେବୀ ସଂଗଠନ ସୋମବାର ରାତିରେ ଜଣେ ଅସହାୟ ବ୍ୟକ୍ତିଙ୍କର ଅନ୍ତିମସତ୍କାର କରିଛି । ମୃତକ ଜଣକ ହେଲେ ସୋନପୁର ବ୍ଲକ୍ ଖଲିଆପାଲି ପଞ୍ଚାୟତର ଗୋବିନ୍ଦପୁର ଗାଁର ୫୫ ବର୍ଷିୟ ନେତ୍ରା ନାଏକ । କୌଣସି କାରଣରୁ ନେତ୍ରା ତାଙ୍କ ଘରୁ ବାହାରି ଆସି ଖଲିଆପାଲି ଅଙ୍ଗନବାଡି କେନ୍ଦ୍ର ନିକଟରେ ଗତ କିଛି ଦିନ ହେଲା ଅସହାୟ ଅବସ୍ଥାରେ ରହିଆସୁଥିଲେ । ସେଠାରେ କେନ୍ଦ୍ର ପକ୍ଷରୁ ତାଙ୍କୁ ଖାଇବା ଆଦି ଦିଆଯାଉଥିଲା । ସୋମବାର ତାଙ୍କ ସ୍ଵାସ୍ଥ୍ୟବସ୍ଥା ଖରାପ ହେବାରୁ ରୁଗୁଡିପାଲି ଅଙ୍ଗନବାଡି କର୍ମୀ ଗୀତାଞ୍ଜଳି ରଣା ସ୍ବେଚ୍ଛାସେବୀଙ୍କ ସହାୟତାରେ ଆମ୍ବୁଲାନ୍ସରେ ତାଙ୍କୁ ଆଣି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଏହାପରେ ରାତିରେ ତାଙ୍କ ମୃତ୍ୟୁ ଘଟିଥିଲା ।