କଳାହାଣ୍ଡିକୁ ପଶି ଆସିଲେ 29 ଟିକିଆ ହାତୀ ପଲ, ଖେଳାଇଛନ୍ତି ଆତଙ୍କ

ଭବାନୀପାଟଣା: ଜିଲ୍ଲାରେ ହାତୀ ଆତଙ୍କ । ଜଙ୍ଗଲ ଛାଡି ଏବେ ଗାଁ ମୁହାଁ ହେବାରେ ଲାଗିଛନ୍ତି ଗଜରାଜ। ଜିଲ୍ଲାର ଉତ୍ତର ବନଖଣ୍ଡ ବାଲସୀ ଗାଁ ରେ ଗତ ଦୁଇ ଦିନ ହେବ ଆତଙ୍କ ଖେଳାଇଛନ୍ତି ୨୯ ଟିକିଆ ହାତୀ ପଲ । ଲୋକଙ୍କ ଚାଷ ନଷ୍ଟ କରିବା ସହ ଗାଁ ମୁଣ୍ଡରେ ଗର୍ଜନ କରୁଥିବା ଯୋଗୁଁ ଲୋକେ ଭୟଭୀତ ଅବସ୍ଥାରେ ଅଛନ୍ତି । ତେବେ ଏହାକୁ ଦୀର୍ଘ 48 ଘଣ୍ଟା ହୋଇଥିଲେ ମଧ୍ୟ ବନ ବିଭାଗ ହାତୀପଲକୁ ଘଉଡାଇବାରେ ସକ୍ଷମ ହୋଇପାରିନି । ତେଣୁ ସନ୍ଧ୍ୟା ହେଲେ ଲୋକଙ୍କ ଚିନ୍ତା ବଢି ଯାଉଥିବା ବେଳେ ରାତି ତମାମ ଲୋକେ ଚେଇଁ ରହୁଛନ୍ତି । ହାତୀଙ୍କ ସୁରକ୍ଷା ଦୃଷ୍ଟିରୁ ବିଦ୍ୟୁତ ବିଭାଗ ପକ୍ଷରୁ ୩ ଦିନ ହେଲା ବିଦ୍ୟୁତ କାଟ ମଧ୍ୟ କରାଯାଇଛି । କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ