ଧବଳମୁଖୀ ବେଶରେ ଦର୍ଶନ ଦେଉଛନ୍ତି ମା' ସମଲେଇ

ବଲାଙ୍ଗୀର: ଇଷ୍ଟ ଦେବୀ ମା' ସମଲେଇ ଆଜି ଧବଳମୁଖୀ ବେଶରେ ଦର୍ଶନ ଦେଉଛନ୍ତି । କୋରୋନା କଟକଣା ମଧ୍ୟରେ ବଲାଙ୍ଗୀରର ଇଷ୍ଟ ଦେବୀ ମା'ଙ୍କ ଧବଳମୁଖୀ ବେଶକୁ ଦର୍ଶନ କରୁଛନ୍ତି ଭକ୍ତ ।  ଏଥିପାଇଁ ସମଲେଇ ମନ୍ଦିରରେ ଭୋର ୫ ଟାରୁ ମା'ଙ୍କ ନୀତିକାନ୍ତି ଆରମ୍ଭ ହୋଇଛି । ମା' ସମଲେଇ ସାଧାରଣ ଦିନରେ ସିନ୍ଦୁର ବେଶରେ ଦର୍ଶନ ଦେଇଥାନ୍ତି । କିନ୍ତୁ ଆଜି ଶ୍ୱେତବର୍ଣ୍ଣ ବେଶରେ ଦର୍ଶନ ଦେଉଛନ୍ତି । ମା'ଙ୍କର ଏହି ବେଶ ପାପହାରିଣୀ ବୋଲି ବିବେଚିତ ହୋଉଥିବା ବେଳେ ମା'ଙ୍କୁ ଏହି ବେଶରେ ଦର୍ଶନ ଗଙ୍ଗା ସ୍ନାନ ସହ ସମାନ ବୋଲି ବିଶ୍ୱାସ ରହିଛି । ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ