ନବବର୍ଷରେ ବଳଦେବଜୀଉଙ୍କୁ ଦର୍ଶନ କଲେ ଶ୍ରଦ୍ଧାଳୁ

କେନ୍ଦ୍ରାପଡ଼ା: ଇଂରାଜୀ ନବବର୍ଷକୁ ସାରା ରାଜ୍ୟରେ ଲୋକମାନେ ପାଳନ କରୁଛନ୍ତି । କୋରୋନା କଟକଣା ମଧ୍ୟରେ ଶ୍ରଦ୍ଧାଳୁମାନେ ନିଜ ଅଞ୍ଚଳର ମନ୍ଦିରକୁ ଯାଇ ଦେବାଦେବୀଙ୍କୁ ଦର୍ଶନ କରି ନବବର୍ଷରେ ବିଭିନ୍ନ କାମନା କରୁଛନ୍ତି । ତେବେ ଜିଲ୍ଲାରେ ମଧ୍ୟ ଆରାଧ୍ୟ ବଳଦେବଜୀଉଙ୍କ ଆଶିଷ ଭିକ୍ଷା କରିଛନ୍ତି ସେବାୟତ ଓ ଜିଲ୍ଲାବାସୀ । ଗତବର୍ଷ ୨୦୨୦ରେ ମହାମାରୀ କୋରୋନାର ବିଭୀଷିକା ଏହି ବର୍ଷ ଦୂରେଇବା ପାଇଁ ପ୍ରାର୍ଥନା କରିଛନ୍ତି ଶ୍ରଦ୍ଧାଳୁ । ଏହି ବର୍ଷ ନୂତନ ଆଶା ଓ ସମୃଦ୍ଧିର ବର୍ଷ ହେବା ସହିତ ସମସ୍ତଙ୍କ ପାଇଁ ମଙ୍ଗଳମୟ ହେଉ ବୋଲି ଶ୍ରଦ୍ଧାଳୁମାନେ କାମନା କରିଛନ୍ତି । କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ