ଯାଦୁଆ ବିକିବେ ଯାଦୁ ମଲମ, ସରକାରଙ୍କ ନିଶା ମୁକ୍ତି ଅଭିଯାନ ହାସ୍ୟାସ୍ପଦ: କଂଗ୍ରେସ

ଭୁବନେଶ୍ବର: ରାଜ୍ୟ ସରକାରଙ୍କ ନିଶାମୁକ୍ତି ଅଭିଯାନକୁ ନେଇ କଡା ସମାଲୋଚନା କରିବା ସହ କଡା କଟାକ୍ଷ କରିଛି କଂଗ୍ରେସ । ସରକାରଙ୍କ ନିଶାମୁକ୍ତି ଅଭିଯାନ, ଯାଦୁଆ ଯାଦୁ ମଲମ ବିକିବା ସଦୃଶ ବୋଲି କହିଛି କଂଗ୍ରେସ । ଓଡ଼ିଶା ପ୍ରଦେଶ କଂଗ୍ରେସ କମିଟିର ରାଜ୍ୟ ପ୍ରବକ୍ତା ସୁଦର୍ଶନ ଦାସ ସରକାରଙ୍କ ନିଶାମୁକ୍ତି ଅଭିଯାନ ଏକ ପ୍ରହସନ ବୋଲି କହିବା ସହ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ସୂଚନା ଯେ, ରାଜ୍ୟ ସରକାର ନିଶାମୁକ୍ତି ଅଭିଯାନ ଅଗଷ୍ଟ ୧୫ ତାରିଖ ପୂର୍ବରୁ ଆରମ୍ଭ ହେବା ନେଇ ଘୋଷଣା କରିଛନ୍ତି l ରାଜ୍ୟ ସରକାରଙ୍କର ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଗଣମାଧ୍ୟମକୁ ବିବୃତି ଦେଇ କହିଛନ୍ତି, ଜିଲ୍ଲା ସ୍ତରରେ ୧୦ ଲକ୍ଷ ଟଙ୍କା ଏବଂ ରାଜ୍ୟ ସ୍ତରରେ ୨୦ ଲକ୍ଷ ଟଙ୍କାର ସହାୟତା ସରକାର ଯୋଗାଇଦେବେ l