ଜବରଦଖଲ କବଜାରେ ସରକାରଙ୍କ ସୂଚନା କେନ୍ଦ୍ର, ଇ-ଲାଇବ୍ରେରୀ ପାଇଁ ପଡିରହିଛି ଟଙ୍କା

ଅନୁଗୋଳ: ଭଲ କରି ଦେଖନ୍ତୁ ଏହି ଭଙ୍ଗା ଦଦରା ଘରକୁ । ଘର ତ ନୁହେଁ ବରଂ କେତୋଟି ଇଟା ଖଣ୍ଡ । ପୁଣି ଅଳିଆ ଆବର୍ଜନା ସହ ସେସୁର ବଡ ବଡ ଟ୍ରାନ୍ସଫର୍ମର । ଦିନ ଥିଲା ଏଠାରେ ସରକାରଙ୍କ ସୂଚନା କେନ୍ଦ୍ର ଥିଲା ମାତ୍ର ଏବେ ଜବରଦଖଲକାରୀଙ୍କ ଆଡ୍ଡାସ୍ଥଳୀ । ଦୀର୍ଘ 10 ବର୍ଷ ହେବ ସୂଚନା କେନ୍ଦ୍ରକୁ ଅନ୍ୟତ୍ର ସ୍ଥାନାନ୍ତରିତ କରାଯାଇଥିବା ବେଳେ ପୁରୁଣା ଯାଗାରେ ଜିଲ୍ଲାର ପ୍ରଥମ ଇ-ଲାଇବ୍ରେରୀ ସ୍ଥାପନ ପାଇଁ 35 ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି । ମାତ୍ର ଇ-ଲାଇବ୍ରେରୀ କଥା ଛାଡନ୍ତୁ ଆଜିଯାଏଁ ତାହାକୁ ପୁନରଦ୍ଧାର କରାଯାଇନାହିଁ ଆଉ ତାହାର କାରଣ, ଜବରଦଖଲ ।