ଇଞ୍ଜେକ୍ସନ ନେବା ପରେ ରାଗିଲା ଛୁଆହାତୀ, ଭାଙ୍ଗିଲା ଗାଡି

ଅନୁଗୋଳ: ହାତୀ ଛୁଆ ଦେହରେ ମେଡ଼ିସିନ ଭର୍ତ୍ତି ଇଞ୍ଜେକ୍ସନ ବାଜିବା ପରେ ଚିହିଁକି ଉଠିଲା ଛୁଆ ଗଜରାଜ । ଆଉ ରଚିଲା ତାଣ୍ଡବ । ଗାଡି ଭାଙ୍ଗିବା ସହ ବନ ବିଭାଗର ଗାଡିକୁ ଓଲଟାଇବାକୁ ଚେଷ୍ଟା କରିଥିଲା ଏହି ଛୁଆ ହାତୀ । ଅନୁଗୋଳ ଜିଲ୍ଲା ବନ୍ତଳା ବନାଞ୍ଚଳ ମୈଧରପୁର ଗାଁ ପକ୍ଷ ଜଙ୍ଗଲକୁ ଲାଗି ଏକ ପୋଖରୀ ପାଖରେ ଦେଖିବାକୁ ମିଳିଛି ଏହି ଦୃଶ୍ୟ । ଏହି ଦୃଶ୍ୟକୁ କ୍ୟାମେରା କଏଦ କରିଛି ଇଟିଭି ଭାରତ। ଅସୁସ୍ଥ ଛୋଟ ହାତୀକୁ ସୁସ୍ଥ କରିବା ପାଇଁ ପ୍ରାଣୀ ଚିକିତ୍ସକ କିଶୋର ସାହୁ ଇଞ୍ଜେକ୍ସନ ମାରିବା ପରେ ହାତୀ ଛୁଆ ଆକ୍ରମଣାତ୍ମକ ହୋଇ ଉଠି କରିଥିଲା ଏଭଳି ଆକ୍ରମଣ । ବନ ବିଭାଗର କର୍ମଚାରୀଙ୍କୁ ମଧ୍ୟ ଗୋଡ଼ାଇଥିଲା ଏହି ଛୁଆ ହାତୀ । ଦେଖନ୍ତୁ କୁନି ଗଜରାଜର ତାଣ୍ଡବ... ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ