ନବେ ବର୍ଷୀୟା ବୃଦ୍ଧାଙ୍କ ହାତରେ ନାତିର ପେଟ ପାଟଣା

ମାଲକାନାଗିରି: ପରିଣତ ବୟସରେ ପରିବାରର ବୋଝ । ଦେଖୁଛନ୍ତି ଏହି ବୁଢୀ ମାଉସୀକୁ । ବୟସ 90 ହେବ । ଚମ ସବୁ ଧୁଡୁକି ଯାଇଥିବା ବେଳେ ହାତ ଗୋଡ ବି ଥରୁଛି । ଆଖିର ପରଳ ଓ କାନର ପରଦା ମଧ୍ୟ କାମ କରୁନି । ହେଲେ ଏ ସମୟରେ ମଧ୍ୟ ନଇଁ ଯାଇଥିବା ଅଣ୍ଟାରେ ସଳଖୁଛନ୍ତି ପରିବାର । ନେଉଛନ୍ତି ବାପା ମା’ ଛେଉଣ୍ଡ ନାତିର ଦାୟିତ୍ବ । ଚାଲିବାକୁ ଆଉ ବଳ ପାଉନି । କେହି ମୁଠାଏ ଖାଇବାକୁ ଦେଲେ ପେଟରେ ଦାନା ପଡେ, ନହେଲେ ଉପାସ । ଏ ହେଉଛି ମାଲକାନଗିରି କୋରୁକୋଣ୍ଡା ବ୍ଲକ କୋଇଲିପାରି ଗ୍ରାମର 90 ବର୍ଷିୟା ବୃଦ୍ଧା କମଳା ମୁଦୁଲିଙ୍କ କରୁଣ କାହାଣୀ ।