ଗୋପୂଜନ: ଯୋଗଦେଲେ ପଞ୍ଜାବ ବାଚସ୍ପତି, ଗୋଶାଳା ପାଇଁ ଦେଲେ ପ୍ରତିଶୃତି

ଚଣ୍ଡିଗଡ଼: ଗୋ ପୂଜନ ପାଇଁ ପଞ୍ଜାବର ଭଟିଣ୍ଡାରେ ପହଞ୍ଚିଲେ ଆମ ଆଦମୀ ପାର୍ଟି ବିଧାୟକ ତଥା ପଞ୍ଜାବ ବିଧାନସଭା ବାଚସ୍ପତି କୁଲତାର ସିଂହ ସନ୍ଧବେ । ଏଠାରେ ସେ ପଣ୍ଡିତଙ୍କ ସହିତ ମିଶି ଗୋ ମାତାକୁ ପୂଜା କରିଛନ୍ତି । ପୂଜା କରିବା ସମୟରେ ପଣ୍ଡିତ ବାଚସ୍ପତିଙ୍କ ପଗଡ଼ିରେ ଗାଈ ଲାଞ୍ଜରେ ସ୍ପର୍ଶ କରି ଆଶୀର୍ବାଦ ଦେଇଥିବା ଦେଖିବାକୁ ମିଳିଛି । ଭଟିଣ୍ଡାର ଶିରକି ବଜାରରେ ଏହି ଉତ୍ସବ ଆୟୋଜିତ ହୋଇଥିଲା । ଏହି ଉତ୍ସବରେ ଯୋଗ ଦେଇ ସେ କହିଛନ୍ତି ଯେ ଗାଈଙ୍କ ଆଶ୍ରୟ ପାଇବା ପାଇଁ ଗୌଶାଳା ନିର୍ମାଣ କରିବା ଲାଗି ସେ ସରକାରଙ୍କ ନିକଟରେ ପ୍ରସଙ୍ଗ ଉଠାଇବେ ବୋଲି କହିଛନ୍ତି । ଏହାସହିତ ବୁଲା ପଶୁଙ୍କ ଆଶ୍ରୟ ପାଇଁ ମଧ୍ୟ ସ୍ବତନ୍ତ୍ର ବ୍ୟବସ୍ଥା କରାଯିବ ବୋଲି ଜଣାପଡ଼ିଛି ।