BeMC Election: ମତଦାନ କେନ୍ଦ୍ରକୁ ବାହାରିଲେ ପ୍ରିଜାଇଡିଂ ଏବଂ ପୋଲିଂ ଅଧିକାରୀ

ବ୍ରହ୍ମପୁର: ଆସନ୍ତାକାଲି ରାଜ୍ୟର ସମସ୍ତ ସହରାଞ୍ଚଳରେ ହେବ ମତଦାନ । ଏନେଇ ବ୍ରହ୍ମପୁର ସହରର ବିଭିନ୍ନ ମତଦାନ କେନ୍ଦ୍ରକୁ ଇଭିଏମ୍ ନେଇ ବାହାରିଛନ୍ତି ପ୍ରିଜାଇଡିଂ ଏବଂ ପୋଲିଂ ଅଧିକାରୀ । ଭୋଟଦାନ କରିବା ପାଇଁ ଆବଶ୍ୟକ ସରଞ୍ଜାମ ସହିତ ଇଭିଏମ୍ ମେସିନ ନେଇ ପ୍ରଶାସନ ପକ୍ଷରୁ ମୁତୟନ କରାଯାଇଥିବା ପ୍ରିଜାଇଡିଂ ଅଫିସର ଓ ପୋଲିଙ୍ଗ୍ ଅଧିକାରୀମାନେ ଭୋଟଦାନ କେନ୍ଦ୍ରକୁ ଯିବେ । ସେଠାରେ କିଭଳି ସୂଚାରରୂପେ ମତଦାନ କରିବେ ସେ ନେଇ ନିଜକୁ ପ୍ରସ୍ତୁତ କରିଛନ୍ତି ଅଧିକାରୀ । ସକାଳ ସମୟରେ ପ୍ରତିଦ୍ବନ୍ଦିତା କରୁଥିବା ସମସ୍ତ ପ୍ରାର୍ଥୀଙ୍କ ଏଜେଣ୍ଟ ପହଞ୍ଚିବା ପରେ ମକପଲ୍ କରାଯିବା ପରେ ଆରମ୍ଭ ହେବ ମତଦାନ । ବ୍ରହ୍ମପୁର ସହରର ପଲିଟେକନିକ୍ ଶିକ୍ଷାନୁଷ୍ଠାନ ପରିସରରୁ ସରକାରୀ ଅଧିକାରୀ ଓ କର୍ମଚାରୀମାନଙ୍କୁ ମତଦାନ କାର୍ଯ୍ୟ ପାଇଁ ପଠାଯାଇଛି । ବ୍ରହ୍ମପୁର ସହରରେ ମତଦାନ କାର୍ଯ୍ୟ ପାଇଁ ଯାଉଥିବା ପ୍ରିଜାଇଡିଂ ଓ ପୋଲିଙ୍ଗ୍ କର୍ମଚାରୀଙ୍କ ସହ ଆଲୋଚନା କରିଥିଲେ ଆମ ବ୍ରହ୍ମପୁର ସମ୍ବାଦଦାତା ସମୀର ଆଚାର୍ଯ୍ୟ