ସିଲଭରସିଟିରେ ଜମିଲା ଜିରୋ ନାଇଟ, ନୂଆ ବର୍ଷକୁ ସ୍ୱାଗତ କଲେ କଟକିଆ

Happy New Year 2024:  କଟକ: ଧୁମଧାମର ସହ ନୂଆ ବର୍ଷକୁ ସ୍ବାଗତ କରିଛନ୍ତି କଟକ ବାସୀ । ରବିବାର ରାତିରେ ହୋଟେଲ, ରେସ୍ତୋରାଁ ଓ ପବ୍‌ଗୁଡିକରେ ଜମିଥିଲା ଜିରୋ ନାଇଟ ସେଲିବ୍ରେସନ । 12ଟା ବାଜିବା ପରେ ସମସ୍ତେ ନୂଆ ବର୍ଷକୁ ସ୍ବାଗତ କରିଥିଲେ । ଡିଜେ ଗୀତରେ କମ୍ପୁଥିଲା ସିଲଭର ସିଟି ।  କଟକର 3 ପ୍ରମୁଖ କ୍ଲବରେ ଝୁମିଥିଲେ କଟକିଆ ।  ସନ୍ଧ୍ୟା ସମୟରୁ ଆରମ୍ଭ ହୋଇଥିଲା ସେଲିବ୍ରେସନ୍‌ । ଆଉ ରାତି 12ଟା ବାଜିବା ପରେ ସମସ୍ତେ ପରସ୍ପରକୁ ନୂଆବର୍ଷର ଶୁଭେଚ୍ଛା ଜଣାଇଥିଲେ । ବିଳମ୍ବିତ ରାତି ପର୍ଯ୍ୟନ୍ତ କଟକର ୟୁନିୟନ କ୍ଲବ୍‌, କଟକ କ୍ଲବ ଓ  ଓସିଏ କ୍ଲବରେ ବିଭିନ୍ନ ବଲିଉଡ୍‌ ଓ ଓଲିଉଡ଼ ସିଙ୍ଗର ମାନେ ସେମାନଙ୍କ ଗୀତ ପରିବେଷଣ କରିଥିଲେ । ଗୀତର ତାଳେ ତାଳେ ସମସ୍ତେ ଝୁମି ଉଠିଥିଲେ । ବିଶେଷ କରି ଯୁବପୀଢୀ ନୂଆବର୍ଷକୁ ସ୍ବାଗତ କରିବାକୁ ବେଶ ଉତ୍ସାହିତ ଥିବା ଦେଖିବାକୁ ମିଳିଥିଲା ।  ରାସ୍ତାଘାଟରେ ବାଣ ଫୁଟାଇ ନୂଆ ବର୍ଷକୁ ବେଶ ଉତ୍ସାହର ସ୍ବାଗତ କରିଛନ୍ତି ସିଲଭରସିଟି ବାସିନ୍ଦା ।

ଏହା ମଧ୍ୟ ପଢନ୍ତୁ- ଡିଜେର ତାଳେ ତାଳେ ନାଚିଲେ ରେଶମ ସହରବାସୀ

ଇଟିଭି ଭାରତ, କଟକ