ଚପଲ ଦେଖାଇ ହାତୀ ତଡିବାକୁ ଚେଷ୍ଟା କଲେ ଯୁବକ; ଆଉ ତା' ପରେ...

ଗୌହାଟୀ: ଅନେକ ସମୟରେ ହାତୀ-ମଣିଷ ମୁହାଁମୁହିଁ ହେଉଛନ୍ତି  । ହାତୀ ସହ ସାମ୍ନାସାମ୍ନି ବେଳେ ନିଆଁ ହୁଳା ଦେଖାଇ ନହେଲେ ବାଣ ଫୁଟାଇ ତାକୁ ଜଙ୍ଗଲକୁ ଘଉଡାଇବାର ଦେଖିବାକୁ ମିଳେ  । ହେଲେ ଏବେ ସୋସିଆଲ ମିଡିଆରେ ଏମିତି ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ହାତୀକୁ ଘଉଡ଼ାଇବାର ତରିକା ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଭିଡିଓରେ ଦେଖାଯାଉଛି, ଗୋଟିଏ ଅଜ୍ଞାତ ଅଞ୍ଚଳରେ ଜଙ୍ଗଲୀ ହାତୀଟିଏ ବୁଲିଛି । ଏହି ସମୟରେ ସେଠି ହାତୀ ସହ ଦୁଇ ଯୁବକ ମୁହାଁମୁହିଁ ହେଉଛନ୍ତି । ଏହାପରେ ଯୁବକ ହାତୀକୁ ତଡିବାକୁ ନିଜ ଚପଲ ଦେଖାଉଛନ୍ତି । ସେ ଚପଲ ଉଠାଇ ହାତୀଟିକୁ ଦୂରକୁ ଘଉଡାଇବାକୁ ଚେଷ୍ଟା କରୁଛନ୍ତି  । ବେଳେବେଳେ ଆକ୍ରମଣ ଉଦ୍ଦେଶ୍ୟରେ ହାତୀଟି ଯୁବକଙ୍କ ଆଡକୁ ମାଡି ଆସୁଛି । ତେବେ ଚପଲ ଦେଖାଇ ଏହି ବିଶାଳକାୟ ଜୀବର ଏପରି ମୁକାବିଲା କରିବାକୁ ଆପଣ ସେହି ଯୁବକଙ୍କ ମୁର୍ଖତା ନହେଲେ ବାହାଦୁରୀ କହିପାରିବେ । ଭିଡିଓଟି ଆସାମ ମାରିହାନି ଅଞ୍ଚଳର ଏବଂ ଉକ୍ତ ହାତୀଟି ଖାଦ୍ୟ ସନ୍ଧାନରେ ଗିବ୍ବୋନ ପ୍ରାଣୀ ଉଦ୍ୟାନରୁ ସେଠାକୁ ଚାଲିଆସିଥିବା ସୂଚନା ରହିଛି । ଦେଖନ୍ତୁ ଏହି ଭିଡିଓ...