ରଙ୍ଗମାଟି ଖୋଳିବା ବେଳେ ଖସିଲା ମାଟି ଅତଡା, ମହିଳା ମୃତ

ନବରଙ୍ଗପୁର: ରଙ୍ଗମାଟି ଖୋଳିବା ବେଳେ ଧସିଲା ମାଟି ଅତଡା  । ଫଳରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ମହିଳା ଗୁରୁତର ଆହତ ହୋଇ ଉମରକୋଟ ମେଡିକାଲରେ ଚିକିତ୍ସିତ ହେଉଛନ୍ତି।  ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ୍ କାରାଗାଁ ପଞ୍ଚାୟତ ଅନ୍ତର୍ଗତ ଲୋହରାଗୁଡ଼ା ଗାଁରେ ଏଭଳି ଘଟଣା ଘଟିଛି । ତେବେ ମୃତ ମହିଳା ଜଣଙ୍କ ପର୍ସଲା ଗ୍ରାମର ସନାଦୀ ଭତ୍ରା ବୋଲି ଜଣାପଡିଛି । ଆଗକୁ ଆଦିବାସୀଙ୍କ ଦିଆଲି ପର୍ବ ଥିବାରୁ ଘର ଲିପିବା ନିମନ୍ତେ ରଙ୍ଗ ମାଟି ଆଣିବା ପାଇଁ ଝରିଗାଁ ବ୍ଲକ ଚିତିବେଡ଼ା ପଞ୍ଚୟତ ମନୁଗୁଡାର ୭ ଜଣ ମହିଳା ଓ ରତାଖଣ୍ଡିଗୁଡ଼ା ପଞ୍ଚାୟତ କାଳିଆଗୁଡ଼ା ଗ୍ରାମର ୬ ଜଣ ମହିଳା ଗତକାଲି ରଙ୍ଗ ମାଟି ଖାଦାନରୁ ମାଟି ଆଣିବା ପାଇଁ ଯାଇଥିଲେ । ହେଲେ ମାଟି କାଢୁଥିବା ବେଳେ ହଠାତ ମାଟି ଅତଡ଼ା ଖସି ପଡ଼ିଥିଲା । ଫଳରେ ମାଟି ତଳେ ଚାପି ହୋଇ ମହିଳାଙ୍କ ମୃତ୍ୟୁ ହୋଇଛି । ଘଟଣା ସ୍ଥଳରେ ଉମରକୋଟ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ଏହା ମଧ୍ୟ ପଢନ୍ତୁ- ଲଗାଣ ବର୍ଷାରେ ରେଳ ଧାରଣାରୁ ଖସିଲା ମାଟି ଅତଡା, ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ଟ୍ରେନ

ଇଟିଭି ଭାରତ, ନବରଙ୍ଗପୁର