ଚାକୁଳିଆ ଗାଁ ଭିତରକୁ ପଶି ଆସିଲା ହାତୀ, ଘଟାଇନି କୌଣସି କ୍ଷୟକ୍ଷତି

ରାଞ୍ଚି: ଝାଡ଼ଖଣ୍ଡର ଜାମେଶେଦପୁର ଜିଲ୍ଲାରେ ଥିବା ପୂର୍ବସିଂହଭୁମୀ ଅଧିକାଂଶ ଅଞ୍ଚଳରେ ହାତୀ ଉପଦ୍ରବ ଦେଖାଯାଏ । ଏଠାରେ ହାତୀଙ୍କ ପାଇଁ ସଂରକ୍ଷିତ ଜଙ୍ଗଲ ରହିଥିବାରୁ ଏଠାରେ ହାତୀ ଉପଦ୍ରବ ମାତ୍ରା ଅଧିକ ରହିଛି । ଏହାର ପରିଣାମ ସ୍ବରୂପ ମଙ୍ଗଳବାର ଚାକୁଳିଆ ନାମକ ଗ୍ରାମ ଭିତରକୁ ହାତୀ ପଶି ଆସିଥିଲା । ତେବେ ହାତୀଟି ଶାନ୍ତ ଥିବାରୁ ବର୍ତ୍ତି ଯାଇଛନ୍ତି ଗ୍ରାମବାସୀ । ହାତୀ ଗାଁ ଭିତରେ ପଶି କିଛି ସମୟ ବିଚରଣ କରିବା ପରା ଗାଁ ବାହାରକୁ ଚାଲି ଯାଇଥିଲା । ସେପଟେ ହାତୀ ପଛେପଛେ ଗ୍ରାମବାସୀ ଭିଡ଼ ଜମାଇଥିବା ଦେଖିବାକୁ ମିଳିଥିଲା । ତେବେ ହାତୀଟିକୁ କାହାର କୌଣସି କ୍ଷତି କରିନଥିଲା । ଏହାପୂର୍ବରୁ ଗ୍ରାମବାସୀ ହାତୀଟିକୁ ବହୁବାର ଗ୍ରାମ ନିକଟସ୍ଥ ଜଙ୍ଗଲରେ ବୁଲୁଥିବା ଦେଖିବାକୁ ପାଇଥିଲେ ।