Train Tragedy: ବଲାଙ୍ଗୀରରେ ସମୂହ ଦୀପଦାନ କଲେ ସ୍ବେଚ୍ଛାସେବୀ ଓ ସାଧାରଣ ଲୋକେ
ବଲାଙ୍ଗୀର: ବାଲେଶ୍ୱର ଟ୍ରେନ୍ ଦୁର୍ଘଟଣାକୁ ନେଇ ପୁରା ବିଶ୍ବ ସ୍ତବ୍ଧ । ଦୁର୍ଘଟଣାରେ 288 ଜଣଙ୍କର ମୃତ୍ୟୁ ହୋଇଥିବା ବେଳେ 900ରୁ ଊର୍ଦ୍ଧ୍ବ ଆହତ ହୋଇଛନ୍ତି । ମୃତକଙ୍କ ଅମର ଆତ୍ମାର ସଦଗତି ପାଇଁ ବଲାଙ୍ଗୀରର ମାଆ ପାଟଣେଶ୍ୱରୀଙ୍କ ମନ୍ଦିରରେ ଦୀପଦାନ କରାଯାଇଛି । ଜନସାଧାରଣ ଓ ସ୍ବେଚ୍ଛସେବୀମାନେ ଦୀପଦାନ କରିଥିବା ବେଳେ କିଛି ସ୍ବେଚ୍ଛାସେବୀ ରକ୍ତ ଦାନ ପାଇଁ ଆଗକୁ ଆସି ରକ୍ତ ଦାନ ଶିବିର କରିଛନ୍ତି । ବିଙ୍ଗ୍ ହ୍ୟୁମେନ ସଂଗଠନର କର୍ମ କର୍ତ୍ତାମାନେ ଗତକାଲି ରକ୍ତଦାନ ଶିବିର କରି ସଂଗୃହିତ ରକ୍ତ କଟକ ପଠାଇଛନ୍ତି । ଯାହାଦ୍ୱାରା ଗୁରୁତର ଭାବରେ ଚିକିତ୍ସିତ ହେଉଥିବା ଲୋକଙ୍କ ଚିକିତ୍ସାରେ ଲାଗିବ । ସେହିପରି ଏହି ସଂଗଠନର 15 ଜଣ ସଦସ୍ୟ ଓ କିଛି ପାରା ମେଡ଼ିକାଲ ସଦସ୍ୟ ବାଲେଶ୍ୱର ଜିଲ୍ଲା ଅଭିମୁଖେ ବାହାରିଛନ୍ତି । ସେଠି ପୀଡିତ ଲୋକଙ୍କୁ ଯଥା ସମ୍ଭବ ସାହାଯ୍ୟ କରିବେ ବୋଲି ଜଣାପଡିଛି । ବଲାଙ୍ଗୀର ପୌରାଧକ୍ଷ୍ୟା ମଧ୍ୟ ଦୀପଦାନରେ ସାମିଲ ହୋଇଥିଲେ ।
ଇଟିଭି ଭାରତ, ବଲାଙ୍ଗୀର