ଗୀତ ଗାଇ ଗୁହାରି କଲେ ଦୃଷ୍ଟିବାଧିତ ପ୍ରଫୁଲ୍ଲ, ଘର ପାଇଁ ପାଣ୍ଡିଆନ ଓ ପ୍ରଣବଙ୍କୁ ନିବେଦନ

ଯାଜପୁର: ପୂର୍ବରୁ ଗୀତ ମାଧ୍ୟମରେ ସରକାରଙ୍କୁ ଗୁହାରି କରି ରଗଡିି଼ି ଅଞ୍ଚଳର ଦୃଷ୍ଟିବାଧିତ ବ୍ୟକ୍ତି ପ୍ରଫୁଲ ଦାସ ଘରବାଡି ପଟ୍ଟା ପାଇଥିଲେ l ଦୀର୍ଘ ବର୍ଷେ ପରେ ମଧ୍ୟ ଆବାସ ଯୋଜନାରେ ଘର ନମିଳିବାରୁ ପୁଣି ଗୀତ ମାଧ୍ୟମରେ 5ଟି ସଚିବ ଭିକେ ପାଣ୍ଡିଆନଙ୍କୁ ସେ ଗୁହାରି କରିଛନ୍ତି l ଯାହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି l ସୂଚନା ଅନୁସାରେ, କୋରେଇ ବ୍ଲକ ରଗଡି ଅଞ୍ଚଳରେ ଏକ ଝାଟିମାଟି ଘରେ ରୁହନ୍ତି ଦୃଷ୍ଟିବାଧିତ ବ୍ୟକ୍ତି ପ୍ରଫୁଲ୍ଲ ଦାସ ଓ ତାଙ୍କ ପରିବାର l 

ତେବେ କିଛିଦିନ ତଳେ ଏହି ଭଳି ଜମି ପଟ୍ଟା ପାଇଁ ସରକାରଙ୍କୁ ଗୀତ ମାଧ୍ୟମରେ ଗୁହାରି କରିବାରୁ ବ୍ୟାସନଗର ତହସିଲ ପକ୍ଷରୁ ଏକ ଘର ବାଡ଼ି ପଟ୍ଟା ପ୍ରଦାନ କରାଯାଇଥିଲା l ତେବେ ଏହି ଘଟଣାକୁ ଅନେକ ଦିନ ବିତିଯାଇଥିଲେ ବି ପ୍ରଫୁଲ୍ଲଙ୍କୁ ଘର ମିଳିଲାନାହିଁ । ବ୍ଲକ ପ୍ରଶାସନ ପକ୍ଷରୁ ଏକ ଆବାସ ଘର ଦେବା ପାଇଁ ଘୋଷଣା ହେଇଥିଲେ ବି ପ୍ରଫୁଲ ଏଯାଏଁ ସରକାରଙ୍କ ତରଫରୁ ଘର ଖଣ୍ଡେ ପାଇନାହାନ୍ତି l ଯାହାକୁ ନେଇ ପୁଣିଥରେ ଦୃଷ୍ଟିବାଧିତ ବ୍ୟକ୍ତି ପ୍ରଫୁଲ୍ଲ ଏକ ଆବାସ ଘର ପାଇଁ 5ଟି ସଚିବ ଭି.କେ ପାଣ୍ଡିଆନ ଓ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଗୁହାରି କରିଥିବା ଭିଡିଓ ଏବେ ସୋସିଆଲ ମିଡିଆରେ ଭାଇରଲା ହେବାରେ ଲାଗିଛି ।

ଇଟିଭି ଭାରତ, ଯାଜପୁର