ଘୋଡ଼ାରେ ଚଢ଼ି ଫୁଡ୍ ଡେଲିଭରି, ଭିଡିଓ ଭାଇରାଲ୍

Zomato Boy Rides Horse to Deliver Food in Hyderabad:  ହାଇଦ୍ରାବାଦ:  ସାଧାରଣତଃ ଘୋଡ଼ା ଉପରେ ବସି ବୁଲିଥାନ୍ତି ପର୍ଯ୍ୟଟକ । ସିନେମା ସୁଟିଂରେ ମଧ୍ୟ ଘୋଡ଼ାର ବହୁଳ ବ୍ୟବହାର ହୁଏ । ତେବେ ଘୋଡ଼ାରେ ଚଢ଼ି ଫୁଡ୍ ଡେଲିଭରି । କଥାଟା ଟିକେ ଅଲଗା ଲାଗୁଥିବ ନିଶ୍ଚୟ । କିନ୍ତୁ ପୁରା ସତ । ହାଇଦ୍ରାବାଦ ସହରରେ ଦେଖିବାକୁ ମିଳିଛି ଏଭଳି ଦୃଶ୍ୟ । ସୋସିଆଲ ମିଡିଆରେ ଭାଇରାଲ ହୋଇଛି ଏହି ଭିଡିଓ । 

ହାଇଦ୍ରାବାଦ ଚଞ୍ଚଲଗୁଡ଼ାରୁ ଆସିଛି ଏହି ନିଆରା ଖବର । ଗତାକାଲି (ମଙ୍ଗଳବାର) ଚଞ୍ଚଲଗୁଡ଼ାରେ ଜଣେ ଜୋମାଟୋ ଡେଲିଭରି ବୟ ନିଜ ବାଇକରେ ଖାଦ୍ୟ ଡେଲିଭରି କରୁଥିଲେ । ହଠାତ ତାଙ୍କ ବାଇକରେ ପେଟ୍ରୋଲ ସରିଗଲା । ଟ୍ରକ ଧର୍ମଘଟ ଯୋଗୁଁ ପେଟ୍ରୋଲ ମିଳୁନଥିବା ବେଳେ, ଡେଲିଭରିରେ ବିଳମ୍ବ ହେଉଥିଲା । ଏଭଳି ସ୍ଥିତିରେ ଡେଲିଭରି ବୟ, ବାଇକ୍ କୁ ପେଟ୍ରୋଲ ପମ୍ପ ଆଗରେ ରଖିଦେଇ, ସେଠାରେ ଥିବା ଏକ ଘୋଡ଼ାକୁ ଭଡ଼ାରେ ନେଇ ଡେଲିଭରି ପାଇଁ ବାହାରି ପଡ଼ିଥିଲେ ।  ଜୋମାଟୋ ବୟଙ୍କ ଘୋଡ଼ା ଉପରେ ବସି ଡେଲିଭରି ଦେବାକୁ ଯିବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଛି । 

ବ୍ୟୁରୋ ରିପୋର୍ଟ, ଇଟିଭି ଭାରତ