ବେଙ୍ଗାଲୁରୁ: ତାମିଲନାଡୁ ସରକାରଙ୍କୁ ମିଳିବ ପୂର୍ବତନ ମୁଖ୍ୟମନ୍ତ୍ରୀଙ୍କ ସୁନା ଓ ହୀରା ଅଳଙ୍କାର । ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ସୁନା ଗହଣା ତାମିଲନାଡୁ ସରକାରଙ୍କୁ ପ୍ରଦାନ କରିବାକୁ କୋର୍ଟଙ୍କ ନିଷ୍ପତ୍ତି । ଜିଲ୍ଲା ଦୌରା ଏବଂ ସେସନ କୋର୍ଟ ଶୁକ୍ରବାର ଏହି ବଡ ନିଷ୍ପତ୍ତି ଶୁଣାଇଛନ୍ତି ।
କୋର୍ଟଙ୍କ ପକ୍ଷରୁ ଏହା ମଧ୍ୟ କୁହାଯାଇଛି କି, ତାମିଲନାଡୁ ସରକାରଙ୍କ ପକ୍ଷରୁ ପର୍ଯ୍ୟାପ୍ତ ସୁରକ୍ଷା ବ୍ୟବସ୍ଥା ହେବା ଆବଶ୍ୟକ । ଏହା ସହିତ ଗହଣା ନେବା ପାଇଁ ଜଣେ ଫଟୋଗ୍ରାଫର, ଜଣେ ଭିଡିଓଗ୍ରାଫର ଏବଂ 6ଟି ବଡ ବଡ ଟ୍ରଙ୍କ ଧରି ଆସିବାକୁ ତାମିଲନାଡୁ ସରକାରଙ୍କୁ କୋର୍ଟଙ୍କ ପକ୍ଷରୁ ନିର୍ଦ୍ଦେଶ ଦିଆଯାଇଛି ।
ଆରଟିଆଇ କାର୍ଯ୍ୟକର୍ତ୍ତା ଟି ନରସିଂମା ମୂର୍ତ୍ତିଙ୍କ ପକ୍ଷରୁ ଦାୟର ପିଟିସନର ଶୁଣାଣି କରି ଏପରି ନିଷତ୍ତି ଜଣାଇଛନ୍ତି କୋର୍ଟ । ଏହା ସହିତ ଆସନ୍ତା ମାସ ଫେବୃଆରୀ 14 ଏବଂ 15 ତାରିଖରେ କୋର୍ଟରେ ହାଜର ହେବାକୁ ନରସିଂମାଙ୍କୁ କୋର୍ଟଙ୍କ ପକ୍ଷରୁ ନିର୍ଦ୍ଦେଶ ରହିଛି । ଏହା ପୂର୍ବରୁ ଏହି ମାମଲାରେ ଶୁଣାଣି କରି ହାଇକୋର୍ଟ ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ସଂପର୍କୀୟଙ୍କ ଆବେଦନକୁ ଅଗ୍ରାହ୍ୟ କରିଥିଲେ । ଜୟଲଳିତାଙ୍କ ସଂପର୍କୀୟ ଆବେଦନ କରିଥିଲେ କି, ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ସମ୍ପତ୍ତିରେ ସେମାନଙ୍କର ଅଧିକାର ରହିଛି । ଏହା ପରେ ସ୍ପେଶାଲ କୋର୍ଟ ମଧ୍ୟ ଏହି ମାମଲାରେ ସମାନ ରାୟ ଶୁଣାଇଥିଲେ ।
ଜାଣନ୍ତୁ ତାମିଲନାଡୁ ସରକାରଙ୍କୁ କେଉଁ କେଉଁ ଗହଣା ମିଳିବ ?
- 468 ପ୍ରକାରର ସୁନା ଏବଂ ହୀରା ଅଳଙ୍କାର ମିଳିବ । ଯାହାର ଓଜନ 7,040 ଗ୍ରାମ ।
- 700 କେଜିର ରୁପା ଗହଣା
- 740 ଦାମୀ ସ୍ଲିପର୍
- 11,344 ସିଲ୍କ ଶାଢୀ
- 250 ସାଲ୍
- 12ଟି ଫ୍ରିଜ୍
- 10ଟି ଟିଭି ସେଟ୍
- 8ଟି ଭିସିଆର
- ଗୋଟିଏ ଭିଡିଓ କ୍ୟାମେରା
- 4ଟି ସିଡି ପ୍ଲେୟାର
- 2ଟି ଅଡିଓ ଡେକ୍
- 24ଟି ଟୁ-ଇନ୍-ଓ୍ବାନ ଟେପ ରେକର୍ଡ୍ସ
- 1040ଟି ଭିଡିଓ କ୍ୟାସେଟ
- 3ଟି ଆଇରନ ଲକର
- 1,93,202 ଟଙ୍କା
ଏହା ସହିତ ଅନ୍ୟାନ୍ୟ ଜବତ ସାମଗ୍ରୀ ମିଳିବ ତାମିଲନାଡୁ ସରକାରଙ୍କୁ ବୋଲି କୋର୍ଟଙ୍କ ପକ୍ଷରୁ ନିର୍ଦ୍ଦେଶ ରହିଛି ।
