Watch video : ଟ୍ରେନ ଚଢ଼ିଯାଉ ପଛେ ଫୋନ୍ ନକଟୁ

ହାଇଦ୍ରାବାଦ : ଓଡିଆରେ ଗୋଟିଏ ଗୀତ ରହିଛି, ପ୍ରେମରେ ପଡିଲେ ଗୋରୀ ଏମିତି ହୁଏ ... । ଅନେକ କୁହନ୍ତି ପ୍ରେମରେ ପଡ଼ିଲେ କୁଆଡେ ସମସ୍ତେ ପାଗଳ ହୋଇଯାଆନ୍ତି । ହେଲେ ଅନେକ ଏହି କଥାକୁ ମଜାକ କହି ହସରେ ଉଡ଼ାଇ ଦିଅନ୍ତି । ଆସନ୍ତୁ ଦେଖିବା ଏକ ଭାଇରାଲ ଭିଡିଓ । ଭିଡିଓରେ ଦେଖାଯାଉଛି ଜଣେ ଯୁବତୀ ପ୍ରେମ ଗପରେ ଏମିତି ମସଗୁଲ ହୋଇଯାଇଥିଲେ ଯେ ଆଗରେ ଟ୍ରେନ ଆସୁଥିବା ଦେଖି ମଧ୍ୟ ମୋବାଇଲ କାନରୁ କାଢିନଥିଲେ । ସାମ୍ନାରେ ଏକ ମାଲବାହୀ ଟ୍ରେନ ଆସୁଥିବା ଦେଖି ଟ୍ରେନ ଲାଇନ ମଝିରେ ଶୋଇ ପଡିଥିଲେ । ହେଲେ ଗପିବା ଛାଡିନଥିଲେ । ଆଶ୍ଚର୍ଯ୍ୟର କଥା ଟ୍ରେନଟି ରେଳଧାରଣାରେ ଦୃତ ଗତିରେ ଚାଲି ଯାଇଥିଲେ ହେଁ ଯୁବତୀ ଜଣକର କିଛି କ୍ଷତି ହୋଇନଥିଲା । ମୋବାଇଲରେ ଗପୁଥିବା ଯୁବତୀ ଜଣକ ଟ୍ରେନଟି ଚାଲିଯିବାର କିଛି ସମୟ ପରେ ଉଠିଲେ । ତଥାପି ଗପ ସରିନଥିଲା । ପୁଣି ଗପି ଗପି ଟ୍ରେନ ଲାଇନ ଅତିକ୍ରମ କରିଥିଲେ । ଯୁବତୀ ଜଣକ ଅନ୍ୟ ଜଣେ ବ୍ୟକ୍ତି ସହ ମୋବାଇଲେରେ ଗପି ଚାଲିଥିଲେ । ଗପ ତାଙ୍କର ଜମା ସରିନଥିଲା । ଏପରି ଏକ ଦୃଶ୍ୟ ଦେଖିବାକୁ ମିଳିଛି ସାମାଜିକ ଗଣମାଧ୍ୟମରେ ପୋଷ୍ଟ ହୋଇଥିବା ଏକ ଭିଡିଓରେ । ଭିଡିଓଟି କେଉଁଠିର ଏବଂ କେବେକାର ତାହା ଜଣାପଡ଼ିନି । ତେବେ ଏହାକୁ ପୋଷ୍ଟ କରିଥିବା ବ୍ୟକ୍ତି ଜଣକ କମେଟରେ ଲେଖଛନ୍ତି, ଶରୀର ଉପରେ ଟ୍ରେନ ଚଢ଼ିଯାଉ ପଛେ ଫୋନ ନକଟୁ । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାପରେ ଅନେକ ଲୋକ ମଜାଦାର କମେଟ ଦେଇଛନ୍ତି । ଦେଖନ୍ତୁ ଭାଇରାଲ ଭିଡିଓ