ଦୁର୍ଘଟଣା ପରେ ବ୍ୟକ୍ତିଙ୍କୁ ଘୋଷାଡି ନେଲା ଟ୍ରକ, କ୍ୟାମେରାରେ କଏଦ ହେଲା ଦୃଶ୍ୟ

ଚେନ୍ନାଇ: ତାମିଲନାଡୁରେ ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣା ପରେ ବ୍ୟକ୍ତିଙ୍କୁ ଏକ କିଲୋମିଟର ଘୋଷାଡି ନେଲା ଟ୍ରକ । ଶେଷରେ ବ୍ୟକ୍ତି ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ତାମିଲନାଡୁର ପୋଟିଶେଟ୍ଟିପାଟୀର ଜାତୀୟ ରଥରେ ଏପରି ଦୁର୍ଘଟଣା ଘଟିଥିବା ସୂଚନା ମିଳିଛି । ମୃତକ ଜଣଙ୍କ ହେଉଛନ୍ତି ପଲପତି ଗ୍ରାମର ତାମିଲେନ୍ଦ୍ର ସରକାର । ଗତକାଲି ସେ ତାଙ୍କ ସ୍ତ୍ରୀ ଓ ଝିଅକୁ ନେଇ ବିଦ୍ୟାଳୟ ଯାଉଥିବା ରାସ୍ତାରେ ଏକ ଲୁହ ରଡ୍‌ ତାଙ୍କ ବାଇକରେ ପିଟି ହୋଇଥିଲା। ଏହାପରେ ଭାରସାମ୍ୟ ହରାଇ ବାଇକଟି ରାସ୍ତାରେ ଯାଉଥିବା ଏକ ଟ୍ରକକୁ ଧକ୍କା ଦେଇଥିଲା । ଫଳରେ ତାମିଲେନ୍ଦ୍ରଙ୍କୁ ଟ୍ରକ ଏକ କିଲୋମିଟ ପର୍ଯ୍ୟନ୍ତ ଘୋଷାଡି ନେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । କିନ୍ତୁ ଡାକ୍ତର ସେଠାରେ ତାମିଲେନ୍ଦ୍ରଙ୍କୁ ମୃତ ଘୋଷଣା କରିଥିଲେ । ମୃତକଙ୍କ ପତ୍ନୀ ଓ ଝିଅ ସାମାନ୍ୟ ଆହତ ହୋଇଥିବା ସୂଚନା ରହିଛି ।