Dadasaheb Phalke Award: ସମ୍ମାନିତ ହେଲେ ଭେଟେରାନ ଅଭିନେତ୍ରୀ ଆଶା ପାରେଖ

ନୂଆଦିଲ୍ଲୀ: ବଲିଉଡର ଭେଟେରାନ ଅଭିନେତ୍ରୀ ଆଶା ପାରେଖଙ୍କୁ ( Actor Asha Parekh) ସିନେ ଜଗତର ସର୍ବୋଚ୍ଚ ପୁରସ୍କାରରେ ସମ୍ମାନିତ କରାଯାଇଛି । ୬୮ତମ ରାଷ୍ଟ୍ରୀୟ ଚଳଚ୍ଚିତ୍ର ପୁରସ୍କାର (National Film Awards ceremony) ସମାରୋହରେତାଙ୍କୁ ଏହି ପୁରସ୍କାର ପ୍ରଦାନ କରାଯାଇଛି । ସିନେ ଜଗତର ସର୍ବୋଚ୍ଚ ପୁରସ୍କାର ମିଳିବା ପରେ ଏ ନେଇ ଖୁସି ପ୍ରକାଶ କରିଛନ୍ତି ଅଭିନେତ୍ରୀ । ତେବେ ତାଙ୍କ ୮୦ତମ ଜନ୍ମଦିନର ଗୋଟିଏ ଦିନ ପୂର୍ବରୁ ତାଙ୍କୁ ଏହି ପୁରସ୍କାର ଦିଆଯାଇଥିବାରୁ ସେ ଅତ୍ୟନ୍ତ ଖୁସି ବୋଲି କହିଛନ୍ତି । ଆଶା ପାରେଖ 1952 ମସିହାରୁ 'ଆସମାନ' ଚଳଚ୍ଚିତ୍ରରେ ଶିଶୁ କଳାକାର ଭାବରେ ତାଙ୍କର ଚଳଚ୍ଚିତ୍ର ଜୀବନ ଆରମ୍ଭ କରିଥିଲେ । ଅଭିନେତ୍ରୀ ଭାବରେ ଆଶା ପାରେଖଙ୍କ ପ୍ରଥମ ଚଳଚ୍ଚିତ୍ର ଥିଲା 'ଦିଲ୍ ଦେକେ ଦେଖୋ', ଯାହା ବହୁତ ସଫଳ ହୋଇଥିଲା । ପ୍ରାୟ 80 ଟି ଚଳଚ୍ଚିତ୍ରରେ ଅଭିନେତ୍ରୀ ଭାବରେ କାମ କରିଛନ୍ତି ଆଶା ।