ରାଉରକେଲାର କଂଗ୍ରେସର ସଂକୀର୍ତ୍ତନ ସତ୍ୟାଗ୍ରହ

ରାଉରକେଲା: ସହରର ସମସ୍ତ ଜଗନ୍ନାଥ ମନ୍ଦିରରେ କଂଗ୍ରେସର ନିଆରା ପ୍ରତିବାଦ । ସଂକୀର୍ତ୍ତନ କରି ଏକ ନିଆରା ଢଙ୍ଗରେ ପ୍ରତିବାଦ କରିଛି କଂଗ୍ରେସ । ରାଜ୍ୟ ସରକାରଙ୍କ ଶ୍ରୀମନ୍ଦିର ପ୍ରତି ଅବହେଳା ପ୍ରତିବାଦରେ ଦଳ ପକ୍ଷରୁ ଏହି ନିଆରା ସଂକୀର୍ତ୍ତନ ପ୍ରତିବାଦ କରାଯାଇଛି । ରାଉରକେଲା ସହର ସ୍ଥିତ ସେକ୍ଟର 3, ଉଦିତନଗର, ବାସନ୍ତୀ କଲୋନି ଜଗନ୍ନାଥ ମନ୍ଦିର, ଛେଣ୍ଡ ଜଗନ୍ନାଥ ମନ୍ଦିର, ପାନପୋଷ ଜଗନ୍ନାଥ ମନ୍ଦିର ଆଦି ସ୍ଥାନରେ ନିଆରା ସଂକୀର୍ତ୍ତନ ପ୍ରତିବାଦ କରିଛି କଂଗ୍ରେସ । 

ଶ୍ରୀମନ୍ଦିର ଚାରିଦ୍ୱାର ଖୋଲିବା, ରତ୍ନଭଣ୍ଡାର ମରାମତି ଓ ମହାପ୍ରଭୁଙ୍କ ରତ୍ନ ଅଳଙ୍କାର ଗଣତି ଓ ଭଣ୍ଡାର ଗୃହ ମରାମତି ସମେତ ବେଦାନ୍ତ କମ୍ପାନୀ ଦ୍ୱାରା ଅଧିଗ୍ରହଣ କରାଯାଇଥିବା ଜଗନ୍ନାଥଙ୍କ ଅମୃତ ମୋଣହି ଜମି ଏବଂ ଚାଷୀଙ୍କ ଚାଷ ଜମି ତୁରନ୍ତ ଫେରସ୍ତ ନେଇ ଦାବି କରିଛି କଂଗ୍ରେସ । ଆଜି ଦିନ 2ଟା ଯାଏଁ ରାଉରକେଲାର ସମସ୍ତ ଜଗନ୍ନାଥ ମନ୍ଦିର ସାମ୍ନାରେ ଦୀପ ଜାଳିବା ସହ ଘଣ୍ଟଘଣ୍ଟା ବଜାଇ ଆନ୍ଦୋଳନ କରିଛି ରାଉରକେଲା କଂଗ୍ରେସ ଦଳ। 

ଇଟିଭି ଭାରତ, ରାଉରକେଲା