ମହାକାଳେଶ୍ୱର ମନ୍ଦିରରେ ବଲିଉଡ ଗୀତରେ ରିଲ କଲେ ମହିଳା ପୋଲିସ କର୍ମଚାରୀ, ଭିଡିଓ ଭାଇରାଲ

ଭୋପାଳ: ପୁଣି ଥରେ ମନ୍ଦିର ଭଳି ପବିତ୍ର ସ୍ଥାନକୁ ଅବମାନନା । ଯେଉଁଠାରେ ଭକ୍ତ ଭଗବାନଙ୍କୁ ଦର୍ଶନ କରିବାକୁ ଆସିଥାଏ, ସେହି ପବିତ୍ର ସ୍ଥାନରେ ଇନଷ୍ଟାଗ୍ରାମ ରିଲ କରୁଛନ୍ତି 2ଜଣ ମହିଳା ପୋଲିସ କର୍ମଚାରୀ । ଏଭଳି ଏକ ଦୃଶ୍ୟ ସାମ୍ନାକୁ ଆସିଛି ହଜାର ଜହାର ଭକ୍ତଙ୍କ ବିଶ୍ବାସର କେନ୍ଦ୍ରବିନ୍ଦୁ ସାଜିଥିବା ମଧ୍ୟପ୍ରଦେଶର ଉଜ୍ଜୈନରେ ଅବସ୍ଥିତ ବିଶ୍ୱ ପ୍ରସିଦ୍ଧ ମହାକାଳେଶ୍ୱର ମନ୍ଦିରରେ । ମନ୍ଦିର ପରିସର ବିଶ୍ରାମଧାମରେ ଫିଲ୍ମ ଗୀତରେ ରିଲ୍ କରୁଥିବା ଦେଖିବାକୁ ମିଳିଛି । ହେଲେ ଭିଡିଓଟି କେବେକାର ଏହାର ସୂଚନା ମିଳି ପାରି ନଥିବା ବେଳେ ବର୍ତ୍ତମାନ ଭିଡିଓଟି ଭାଇରାଲ ହେବାରେ ଲାଗିଛି ।