ବିଦ୍ୟୁତ୍‌ ସଂଯୋଗ ହୋଇଥିବା ତାରରେ ଲୁଗା ଶୁଖାଉଥିଲେ, ଚାଲିଗଲା ଜୀବନ

ଯାଜପୁର: ଟମକା ଥାନା ଅନ୍ତର୍ଗତ ଜନିନ୍ଦାପାଳ ଗାଁରେ ଅଭାବନୀୟ ଘଟଣା । ବିଦ୍ୟୁତ ତାର ସଂସ୍ପର୍ଶରେ ଆସି ଚାଲିଗଲା ଦୁଇ ଜୀବନ । ସୂଚନା ଅନୁଯାୟୀ ପୂର୍ବାହ୍ନରେ ଯାଜପୁର ଜନିନ୍ଦାପାଳ ଗାଁରେ ଜଣେ ବ୍ୟକ୍ତି ନିଜ ଘର ନିକଟରେ ଥିବା ଏକ ଜିଆଇ ତାରରେ ଲୁଗା ଶୁଖାଉଥିବା ବେଳେ ବିଦ୍ୟୁତ ଆଘାତର ଶିକାର ହୋଇଥିଲେ । ବ୍ୟକ୍ତି ଜଣକଙ୍କୁ ବଞ୍ଚାଇବାକୁ ଯାଇ ଘରର ଜଣେ ମହିଳା ମଧ୍ୟ ବିଦ୍ୟୁତ ଆଘାତର ଶୀକାର ହୋଇଥିଲେ । ଫଳରେ ଘଟଣାସ୍ଥଳରେ ଉଭୟଙ୍କର ମୃତ୍ୟୁ ଘଟିଥିବା ସୂଚନା ମିଳିଛି । ଘଟଣାସ୍ଥଳରେ ଟମକା ଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ଘଟଣାର ତଦନ୍ତ ଆରମ୍ଭ କରିଛି । ପୋଲିସ ସୂଚନା ଅନୁଯାୟୀ ବିଦ୍ୟୁତ ସଂଯୋଗ ଥିବା ଏକ ଜିଆଇ ତାରରେ ଓଦା ଲୁଗା ଶୁଖାଇବା କରଣରୁ ଏପରି ଘଟଣା ଘଟିଛି। । ମୃତକମାନେ ହେଲେ ଶ୍ୟାମସୁନ୍ଦର ମାରାଣ୍ଡି ଓ ନୀତୁ ମାରାଣ୍ଡି ।  ନୀତୁ ମାରାଣ୍ଡି ରାଇଘାଟି ପ୍ରାଥମିକ ସ୍କୁଲର ପ୍ରଧାନ ଶିକ୍ଷୟିତ୍ରୀ ଭାବେ କାର୍ଯ୍ୟ କରୁଥିଲେ ।

ଇଟିଭି ଭାରତ, ଯାଜପୁର