ଦୁର୍ଘଟଣା ପରେ ବାଇକ ଓ ଡମ୍ଫର ଲାଗିଲା ନିଆଁ, 2 ଜୀବନ୍ତ ଦଗ୍ଧ

ରାଉରକେଲା: ସୁନ୍ଦରଗଡରେ ଭୟଙ୍କର ସଡକ ଦୁର୍ଘଟଣା। ମୁହାଁମୁହିଁ ଧକ୍କା ହେବା ପରେ ବାଇକ ଓ ଡମ୍ଫରରେ ଲାଗିଲା ନିଆଁ। ଦୁଇ ବାଇକ ଆରୋହୀ ଜୀବନ୍ଦ ଦଗ୍ଧ ହୋଇଯାଇଥିବା ସୂଚନା । ବୀରମିତ୍ରପୁର ଥାନ ଅନ୍ତର୍ଗତ ତଲସରା ନିକଟରେ ଏହି ଦୁର୍ଘଟଣା ଘଟିଥିବା ଜଣାପଡିଛି । ମୃତକଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ । ଗତକାଲି ସନ୍ଧ୍ୟା ସମୟରେ କୁଆଁରମୁଣ୍ଡା ପଟୁ ଏକ ଡମ୍ଫର ବାଲି ନେଇ ବୀରମିତ୍ରପୁର ଆସୁଥିବା ବେଳେ ଏକ ବାଇକରେ ଦୁଇ ଜଣ  ଆସୁଥିବା ବେଳେ ତଲସରା ନିକଟରେ ମୁହାଁମୁହିଁ ଧକ୍କା ହୋଇଥିଲା । ଫଳରେ ବାଇକ ଓ ଡମ୍ଫରରେ ନିଆଁ ଲାଗିଯାଇଥିବା ବେଳେ 2ଜଣ ଜୀବନ୍ତ ଦଗ୍ଧ ହୋଇଯାଇଥିଲେ । ଏନେଇ ଖବର ପାଇ ବୀରମିତ୍ରପୁର ଥାନା ପୋଲିସ ଓ କୁଆଁରମୁଣ୍ଡା ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇ ଥିଲେ । ଦୁର୍ଘଟଣା ଘୋଟାଇବା ପରେ ଡମ୍ଫର ଚାଳକ ଫେରାର ହୋଇଯାଇଛି । ଏନେଇ ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ।  

ଇଟିଭି ଭାରତ,ସୁନ୍ଦରଗଡ