Bad Cholesterol: ଶରୀରରେ କୋଲେଷ୍ଟ୍ରଲ ବଢିଲେ ହାର୍ଟଆଟାକ୍, ଷ୍ଟ୍ରୋକ ଓ ଅନ୍ୟାନ୍ୟ ଗମ୍ଭୀର ସ୍ବାସ୍ଥ୍ୟ ସମସ୍ୟା ଆଶଙ୍କା ବୃଦ୍ଧି ପାଇଥାଏ । ଖରାପ ଜୀବନଶୈଳୀ ଓ ଅସ୍ବାସ୍ଥ୍ୟକର ଖାଦ୍ୟପେୟ ସେବନ ଯୋଗୁଁ ଆଜିକାଲି ଲକ୍ଷ ଲକ୍ଷ ଲୋକ ଏହି କୋଲେଷ୍ଟ୍ରଲ ସମସ୍ୟାରେ ପୀଡିତ । ତେଣୁ କୋଲେଷ୍ଟ୍ରଲ ନିୟନ୍ତ୍ରଣ କରିବା ଅତି ଜରୁରୀ ।
ଯଦିଓ କୋଲେଷ୍ଟ୍ରଲ କମ୍ କରିବାର କୌଣସି ତତ୍କାଳ ଉପାୟ ନାହିଁ, ହେଲେ ନିଜ ଜୀବନଶୈଳୀ ବଦଳାଇ ସପ୍ତାହେ ମଧ୍ୟରେ କୋଲେଷ୍ଟ୍ରଲ ସ୍ତରରେ ପରିବର୍ତ୍ତନ ଆଣିବା ଆରମ୍ଭ କରିପାରିବେ । ଶରୀରରେ ଦୁଇ ପ୍ରକାର କୋଲେଷ୍ଟ୍ରଲ ରହିଛି, ଗୋଟିଏ ହେଲା ଖରାପ କୋଲେଷ୍ଟ୍ରଲ (Low density lipoproteins) ଓ ଅନ୍ୟଟି- ଭଲ କୋଲେଷ୍ଟ୍ରଲ (High density lipoproteins) । LDL ହ୍ରାସ ଓ HDLରେ ବୃଦ୍ଧି ପାଇଁ ସାଧାରଣତଃ ଜୀବନଶୈଳୀରେ ପରିବର୍ତ୍ତନ ସହ 3 ମାସ ଲାଗିଥାଏ ।
ଯଦି କୋଲେଷ୍ଟ୍ରଲ କମ୍ କରିବା ପାଇଁ ଔଷଧ ନିଆଯାଏ, ଏହାର ପ୍ରଭାବ ଦେଖାଯିବାକୁ 6ରୁ 8 ସପ୍ତାହରେ ଲାଗିଥାଏ । ତେବେ ନିଜର ଦିନଚର୍ଯ୍ୟାରେ ଛୋଟ ଛୋଟ ଅଭ୍ୟାସ ସାମିଲ କରି ଆପଣ କୋଲେଷ୍ଟ୍ରଲ ସ୍ତର ନିୟନ୍ତ୍ରଣ ସହ ହୃଦୟ ସ୍ବାସ୍ଥ୍ୟ ଠିକ୍ ରଖିପାରିବେ ।
କେମିତି କମାଇବେ କୋଲେଷ୍ଟ୍ରଲ:
ଯଦିଓ କୋଲେଷ୍ଟ୍ରଲ କମ୍ କରିବା ପାଇଁ ସମୟ ଲାଗେ ତଥାପି ସୁସ୍ଥ ଜୀବନଶୈଳୀ ଗ୍ରହଣ କରି 12 ସପ୍ତାହ ମଧ୍ୟରେ କୋଲେଷ୍ଟ୍ରଲ ସ୍ତରରେ ସୁଧାର ଦେଖାଯାଏ । ଏଥିପାଇଁ ନିୟମିତ ବ୍ୟାୟାମ ଓ ସନ୍ତୁଳିତ ଖାଦ୍ୟ ଆବଶ୍ୟକ । ଡାକ୍ତର ହୃଦରୋଗ ଆଶଙ୍କା କମ୍ କରିବା ପାଇଁ ଦରକାର ପଡିଲେ କୋଲେଷ୍ଟ୍ରଲ କମ୍ କରୁଥିବା ଔଷଧ ନେବାକୁ ପରାମର୍ଶ ଦେଇପାରନ୍ତି ।
ବିନା ଔଷଧରେ କେମିତି କମାଇବେ କୋଲେଷ୍ଟ୍ରଲ:
ହୃଦୟ ପାଇଁ ସ୍ବାସ୍ଥ୍ୟ ଆହାର: ସାଚୁରେଟେଡ ଫ୍ୟାଟ ଓ ଟ୍ରାନ୍ସ ଫ୍ୟାଟ ଯୁକ୍ତ ଖାଦ୍ୟପଦାର୍ଥ ଉପରେ ଧ୍ୟାନ ଦିଅନ୍ତୁ । ସବୁଜ ପତ୍ରଯୁକ୍ତ ପନିପରିବା, ପିସ୍ତାବାଦାମ, ବାଦାମ, ଚିଆ ସିଡ, ଅଖରୋଟ ଇତ୍ୟାଦି ସ୍ବାସ୍ଥ୍ୟକର ଆହାର ଗ୍ରହଣ କରିବା ଭଲ ।
ନିୟମିତ ଏକ୍ସରସାଇଜ: ସପ୍ତାହରେ ପାଞ୍ଚ ଦିନ ଅତିକମରେ 30 ମିନିଟ ଏକ୍ସରସାଇଜ କରିବା ଉଚିତ୍ । ଏକ୍ସରସାଇଜରେ ଦୌଡିବା, ସାଇକେଲିଂ କିମ୍ବା ସିଡି ଚଢିବା ଆଦି ସାମିଲ କରିପାରିବେ ।
ସୁସ୍ଥ ଓଜନ: ସନ୍ତୁଳିତ ଆହାର ଓ ନିୟମିତ ବ୍ୟାୟାମ ସୁସ୍ଥ ଓଜନ ବଜାୟ ରଖିବାରେ ସାହାଯ୍ୟ କରେ । ଯାହାଦ୍ବାରା କୋଲେଷ୍ଟ୍ରଲ ସ୍ତରରେ ସୁଧାର ଆସିଥାଏ ।
ଧୂମ୍ରପାନ ବର୍ଜନ: ଧୂମ୍ରପାନ ଛାଡିବା ଦ୍ବାରା ଭଲ କୋଲେଷ୍ଟ୍ରଲ ସ୍ତରରେ ସୁଧାର ଆସିଥାଏ । ହୃଦୟ ସୁସ୍ଥ ରହିଥାଏ ।
ମଦ୍ୟପାନ ଛାଡିବା: ସୁସ୍ଥ ରହିବାକୁ ଚାହୁଁଥିଲେ ମଦପାନ ଛାଡିବା ଉଚିତ୍ । ନଚେତ୍ କେବେ କ୍ବଚିତ୍ ପିଇବା ଉଚିତ୍ ।
Ref- https://www.uptodate.com/contents/high-cholesterol-and-lipids-beyond-the-basics
ଏହା ମଧ୍ୟ ପଢନ୍ତୁ: ଏହି ପ୍ରକାର ଖାଦ୍ୟ ଖାଉଥିଲେ ବଢିପାରେ କ୍ୟାନ୍ସର ବିପଦ, ଏକ୍ସପର୍ଟ ଦେଲେ ଚେତାବନୀ ଏହା ମଧ୍ୟ ପଢନ୍ତୁ: ହାସିମୋଟୋସ ରୋଗରେ ପୀଡିତ ଅର୍ଜୁନ କପୁର, ଜାଣନ୍ତୁ କ'ଣ ଏହି ରୋଗ |
(Disclaimer- ଏଠାରେ ଦିଆଯାଇଥିବା ସୂଚନା କେବଳ ଆପଣଙ୍କ ଜାଣିବା ପାଇଁ । ଏହା ଉପରେ ବିଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଭଲ ।)
