Watch Video: ରାସ୍ତା ମଝିରେ କନଷ୍ଟେବଳକୁ ପିଟିଲେ ବେପରୁଆ ଗାଡି ଚାଳକ

ଅମରାବତୀ: ଟ୍ରାଫିକ କନଷ୍ଟେବଳଙ୍କ ଉପରେ କାର ଡ୍ରାଇଭରଙ୍କ ମରଣାନ୍ତକ ଆକ୍ରମଣ । ବେପରୁଆ ଗାଡ଼ି ଚାଳନାକୁ ଡ୍ୟୁଟିରେ ଥିବା କନଷ୍ଟେବଳ ଅଟକାଇବାରୁ ଘଟିଥିଲା ଏହି ଅଘଟଣ । ଏଭଳି ଘଟଣା ଘଟିଛି ଆନ୍ଧ୍ରପ୍ରଦେଶର ଭୀମାଭରମ ଜିଲ୍ଲାରେ । ସ୍ଥାନୀୟ ଏକ ବଜାର ଉପରେ ଏକ କାର ଡ୍ରାଇଭର ଦ୍ରୁତ ଗତିରେ ବେପରୁଆ ଭାବେ ଗାଡ଼ି ଚଳାଉଥିଲେ । ଟ୍ରାଫିକ କନଷ୍ଟେବଳ ଜଣକ ଏହାକୁ ଅଟକାଇବାକୁ ଚେଷ୍ଟା କରିଥିଲେ । ହେଲେ କାର ଡ୍ରାଇଭର ଜଣକ କନଷ୍ଟେବଳଙ୍କୁ କାର ମାଧ୍ୟମରେ ଧକ୍କା ଦେଇଥିଲେ । ଖାଲି ସେତିକି ନୁହେଁ କାରରୁ ବାହାରି କନଷ୍ଟେବଳଙ୍କୁ ଚପଲରେ ପିଟିଥିଲେ । ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି କାର ଚାଳକଙ୍କୁ ନିଜ କାବୁକୁ ନେଇ ଥାନାରେ ଅଟକ ରଖିଛନ୍ତି । ତେବେ କାର ଡ୍ରାଇଭର ଜଣଙ୍କ ଭୀମାଭରମ ଜିଲ୍ଲା ଗୁନୁପୁଡିର ସନ୍ତୋଷ ବୋଲି ଜଣାପଡ଼ିଛି । ବ୍ୟୁରୋ ରିପୋର୍ଟ, ଇଟିଭି ଭାରତ