ସୋନିଆ ଗାନ୍ଧିଙ୍କ ଜନ୍ମଦିନ ପାଳିଲା ତେଲେଙ୍ଗାନା କଂଗ୍ରେସ: କେକ୍ କାଟି ମାଡାମଙ୍କୁ ଜଣାଇଲେ ଅଭିନନ୍ଦନ

ହାଇଦ୍ରାବାଦ: 77 ବର୍ଷରେ ପଦାର୍ପଣ କରିଛନ୍ତି କଂଗ୍ରେସ ନେତ୍ରୀ ସୋନିଆ ଗାନ୍ଧି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସୋନିଆ ଗାନ୍ଧିଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ସହ ତାଙ୍କର ଦୀର୍ଘ ଜୀବନ କାମନା କରିଛନ୍ତି । ଏକ୍ସରେ ପୋଷ୍ଟ କରି ସୋନିଆଙ୍କୁ ଶୁଭେଚ୍ଛା ବାର୍ତ୍ତା ପଠାଇଛନ୍ତି ମୋଦି । ସେପଟେ ଦ୍ରାଇଦ୍ରାବାଦରେ ସୋନିଆ ଗାନ୍ଧିଙ୍କ ଜନ୍ମଦିନ ପାଳିଛି କଂଗ୍ରେସ ପାର୍ଟି । ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡି, ଉପ ମୁଖ୍ୟମନ୍ତ୍ରୀ ଭଟ୍ଟି ବିକ୍ରମାର୍କ, ବରିଷ୍ଠ କଂଗ୍ରେସ ନେତା ହନୁମନ୍ତ ରାଓଙ୍କ ସମେତ ଦଳର ଛାମୁଆ ନେତାମାନେ ହାଇଦ୍ରାବାଦରେ ବାର୍ଥ ଡେ କେକ୍ କାଟି, ମାଡାମ ସୋନିଆଙ୍କୁ ଜନ୍ମଦିନର ଅଭିନନ୍ଦନ ଜଣାଇଛନ୍ତି । ପରସ୍ପରକୁ କେକ୍ ଖୁଆଇ ଖୁସି ମନାଇଛନ୍ତି । 1946 ମସିହା ଡିସେମ୍ବର 9 ତାରିଖରେ ଜନ୍ମଗ୍ରହଣ କରିଥିଲେ ସୋନିଆ ଗାନ୍ଧି । ଗତ 7 ତାରିଖରେ ହାଇଦ୍ରାବାଦରେ କଂଗ୍ରେସ ସରକାର ଶପଥ ସମାରୋହରେ ସାମିଲ ହୋଇଥିଲେ ସୋନିଆ। ଶପଥ ସମାରୋହ ଶେଷ ହେବା ପରେ, ଷ୍ଟେଜ୍ ଉପରେ ସୋନିଆ ଗାନ୍ଧିଙ୍କ ପାଦ ଛୁଇଁ ଆଶୀର୍ବାଦ ନେଇଥିଲେ ତେଲେଙ୍ଗାନର କଂଗ୍ରେସ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡି।

ବ୍ୟୁରୋ ରିପୋର୍ଟ, ଇଟିଭି ଭାରତ