ତେଲେଙ୍ଗାନା ବିଧାନସଭା ନିର୍ବାଚନ: ଭୋଟ୍ ଦେଲେ ମୁଖ୍ୟମନ୍ତ୍ରୀ କେସିଆର ଓ ବରିଷ୍ଠ ନେତା

ହାଇଦ୍ରାବାଦ: ଆଜି ନେତା ବାଛୁଛି ତେଲେଙ୍ଗାନା  । ୧୯୯ ଆସନ ବିଶିଷ୍ଟ ତେଲେଙ୍ଗାନା ବିଧାନସଭା ପାଇଁ ସକାଳୁ ଜାରି ରହିଛି ମତଦାନ । ସାଉଥ ସେଲିବ୍ରିଟିଙ୍କଠାରୁ ଆରମ୍ଭ କରି  ବଡ଼ ବଡ଼ ନେତା ମନ୍ତ୍ରୀ, ସାଧାରଣ ଭୋଟର ଲମ୍ବା ଲାଇନରେ ଛିଡ଼ା ହୋଇ ନିଜର ମତସାବ୍ୟସ୍ତ କରୁଛନ୍ତି  । ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ, ତାଙ୍କର ପୁଅ ତଥା ତେଲେଙ୍ଗାନା ମନ୍ତ୍ରୀ କେଟି ରାମା ରାଓ, ତାଙ୍କର ପତ୍ନୀ, ବିଆରଏସ୍ ନେତ୍ରୀ କବିତା, ରାଜ୍ୟ ବିଜେପି ମୁଖ୍ୟ ତଥା କେନ୍ଦ୍ରମନ୍ତ୍ରୀ ଜି କିଷାନ ରେଡ୍ଡି, ପୂର୍ବତନ କ୍ରିକେଟର ଓ କଂଗ୍ରେସ ନେତା ମହମ୍ମଦ ଆଝାରୁଦ୍ଦିନ ପ୍ରମୁଖ ବରିଷ୍ଠ ରାଜନେତାମାନେ ବିଭିନ୍ନ ବୁଥରେ ପହଞ୍ଚି ମତଦାନ କରିଛନ୍ତି  । ମୁଖ୍ୟମନ୍ତ୍ରୀ କେସିଆର ସିଦ୍ଦିପେଟ ଅଞ୍ଚଳର ଚିନ୍ତାମଡାକା ମତଦାନ କେନ୍ଦ୍ରରେ ଭୋଟ ଦେଇଛନ୍ତି  । ତେବେ ଏଥର ତେଲେଙ୍ଗାନାରେ ବିଜେପି, ବିଆରଏସ ଓ କଂଗ୍ରେସ ମଧ୍ୟରେ ତ୍ରିମୁଖୀ ଲଢ଼େଇ ହେଉଛି  । ସବୁ ଦଳର ନେତା ନିଜର ବିଜୟ ନେଇ ଦୃଢୋକ୍ତି ପ୍ରକାଶ କରୁଛନ୍ତି  ।