ନିର୍ମାଣ ହେବ ସ୍ପୋର୍ଟସ କମ୍ପ୍ଲେକ୍ସ, ପ୍ରକଳ୍ପ ଶିଳାନ୍ୟାସ କଲେ ଗ୍ରାମ୍ୟ ଉନ୍ନୟନ ମନ୍ତ୍ରୀ

Sports complex : ଯାଜପୁର : ଦାନଗଦୀ ବ୍ଲକ ଯଖପୁରା ଠାରେ ନିର୍ମାଣ ହେବ ସ୍ପୋର୍ଟସ କମ୍ପ୍ଲେକ୍ସ ଓ ଚାଇଲ୍ଡ କେୟାର ଇନଷ୍ଟିଟୁଏସନ୍ । ଏଥିପାଇଁ ଆଜି କରାଯାଇଛି ଶିଳାନ୍ୟାସ  । ଗ୍ରାମ୍ୟ ଉନ୍ନୟନ ଓ ଦକ୍ଷତା ବିକାଶ ମନ୍ତ୍ରୀ ପ୍ରିତିରଞ୍ଜନ ଘଡ଼ାଇ ଏହି ପ୍ରକଳ୍ପ ପାଇଁ ଶିଳାନ୍ୟାସ କରିଛନ୍ତି ।

ଏହା ମଧ୍ୟ ପଢ଼ନ୍ତୁ... ପରିକ୍ରମା ପ୍ରକଳ୍ପ ଲୋକାର୍ପିତ: ଏମିିତି କହିଲେ ଭକ୍ତ...

ଜିଲ୍ଲା ଖଣିଜ ପାଣ୍ଠି ଅନୁଦାନରେ ୫୦ କୋଟିରୁ ଉର୍ଦ୍ଧ୍ବ ଟଙ୍କା ବ୍ୟୟରେ ନିର୍ମାଣ କରାଯିବ ଏହି ପ୍ରକଳ୍ପ। ଏହି ପ୍ରକଳ୍ପ ମଧ୍ୟରେ ଇଣ୍ଡୋର ଷ୍ଟାଡିୟମ, କ୍ରିକେଟ ଷ୍ଟାଡିୟମ, ବାସ୍କେଟ ବଲ କୋର୍ଟ, ଟେନିସ କୋର୍ଟ, ଭଲିବଲ କୋର୍ଟ, କ୍ରିକେଟ ପ୍ରାକ୍ଟିସ୍ କୋର୍ଟ, ଫୁଟବଲ ଷ୍ଟାଡିୟମ, ଆଥଲେଟିକ ଟ୍ରାକ ଓ ପାର୍କ ଆଦି ଅନେକ କିଛି ସ୍ଥାନ ପାଇବ। ସେହିପରି ଅତ୍ୟାଧୁନିକ ଚାଇଲ୍ଡ କେୟାର ଇନଷ୍ଟିଟୁଏସନ ମଧ୍ୟ ନିର୍ମାଣ କରାଯିବ । 

ତେବେ ମନ୍ତ୍ରୀ କହିଛନ୍ତି ’’ଖୁବଶୀଘ୍ର ଏହି ପ୍ରକଳ୍ପ ଗୁଡ଼ିକର ନିର୍ମାଣ କାର୍ଯ୍ୟ ଶେଷ ହେବ ।’’ ତେବେ ଏହି କାର୍ଯ୍ୟକ୍ରମରେ ମନ୍ତ୍ରୀଙ୍କ ସମେତ ବ୍ଲକ ଅଧ୍ୟକ୍ଷା, ଉପାଧ୍ୟକ୍ଷ, ସ୍ଥାନୀୟ ସରପଞ୍ଚ, ଜିଲ୍ଲା ପରିଷଦ ଓ ସ୍ଥାନୀୟ ଅଞ୍ଚଳର ବହୁ ଜନସାଧାରଣ ସାମିଲ ହୋଇଥିଲେ । ଏହି ପ୍ରକଳ୍ପ ପାଇଁ ନିଜର ଖୁସୀ ବ୍ୟକ୍ତ କରିବା ସହ ରାଜ୍ୟ ସରକାରଙ୍କୁ ଧନ୍ୟବାଦ ଜଣାଇଛନ୍ତି ସ୍ଥାନୀୟ ଲୋକେ। ଏହି ପରିପକ୍ଷରେ ନିଜର ଖୁସିବ୍ୟକ୍ତ କରିବା ସହିତ ମନ୍ତ୍ରୀଙ୍କୁ ଏକ ଶୋଭାଯାତ୍ରାରେ ଆଣି ଏହି ପ୍ରକଳ୍ପ ହେବାକୁ ଥିବା ସ୍ଥାନରେ ପହଞ୍ଚାଇଥିଲେ ସ୍ଥାନୀୟ ଲୋକେ l

ଇଟିଭି ଭାରତ, ଯାଜପୁର