Watch Video: ରାଜ୍ୟସ୍ତରୀୟ ବ୍ୟାଡମିଣ୍ଟନ ପ୍ରତିଯୋଗିତା ଅନୁଷ୍ଠିତ

ଭବାନୀପାଟଣା: କଳାହାଣ୍ଡି ଜିଲ୍ଲା ଭବାନୀପାଟଣା ସ୍ଥିତ ବିଜୁ ପଟ୍ଟନାୟକ ଇନଡୋର ଷ୍ଟାଡିୟମଠାରେ କଳାହାଣ୍ଡି ବ୍ୟାଡମିଣ୍ଟନ ଆସୋସିଆସନ ଆନୁକୁଲ୍ୟରେ ୧୯ ବର୍ଷରୁ କମ ବୟସର ରାଜ୍ୟସ୍ତରୀୟ ପ୍ରତିଯୋଗିତା ଅନୁଷ୍ଠିତ ହୋଇଛି ।  ରାଜ୍ୟ ବ୍ୟାଡ଼ମିଣ୍ଟନ ସଂଘର ସଭାପତି ପ୍ରଦୀପ ଦାସଙ୍କ ସଭାପତିତ୍ବରେ ଉଦଘାଟିତ ହୋଇଯାଇଅଛି। ଏହି ପ୍ରତିଯୋଗିତାରେ ରାଜ୍ୟର ବିଭିନ୍ନ ଜିଲ୍ଲାରୁ ପ୍ରାୟ ୬୦ ଜଣ ପ୍ରତିଯୋଗୀ ଭାଗ ନେଇଛନ୍ତି । ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଜିଲ୍ଲାପାଳ ପି. ଅନ୍ବାସା ରେଡ୍ଡୀ, ସମ୍ମାନିତ ଅତିଥି ଭାବେ ଜିଲ୍ଲା କ୍ରୀଡା ଅଧିକାରୀ ରମେଶ ଚନ୍ଦ୍ର ପାଢ଼ୀ, ସଂଘର ସମ୍ପାଦକ ସନ୍ଦିପ ମିଶ୍ର ଓସ.ଏସ.ବି.ଏ ନିରୀକ୍ଷକ ଶୈଳେନ୍ଦ୍ର ଚୌଧୁରୀ ଓ ସିଭମ ଅଗ୍ରୱାଲ ଉପସଭାପତି ଅରୁଣ ରଥ ପ୍ରମୁଖ ଯୋଗ ଦେଇଥିଲେ।  

ଏହି ଅବସରରେ ଜିଲ୍ଲା ପ୍ରଶାସନ ପକ୍ଷରୁ ରାଜ୍ୟରେ ସର୍ବୋକୃଷ୍ଟ ପ୍ରଦର୍ଶନ ପାଇଁ ଅର୍ପିତ ପଣ୍ଡାଙ୍କୁ ସମ୍ମାନିତ କରାଯାଇଛି। ଏହି ଅବସରରେ ସଂଘର ସମସ୍ତ ବରିଷ୍ଠ ସଦସ୍ୟ ଓ କର୍ମକର୍ତ୍ତା ସହଯୋଗ କରିଥିଲେ । ବୈଷୟିକ ବିଭାଗ ଦାୟିତ୍ବ ବହନ କରିଥିଲେ ଜୟନ୍ତ ମିଶ୍ର ଓ ତାଙ୍କୁ ସହଯୋଗ କରିଥିଲେ 16 ଜଣ ରାଜ୍ୟ ସ୍ବୀକୃତି ପ୍ରାପ୍ତ ଅଫିସିଆଲ । ଏହି ପ୍ରତିଯୋଗିତାଟି ୨୭ ତାରିଖରୁ ୨୯ ତାରିଖ ପର୍ଯ୍ୟନ୍ତ ଚାଲୁ ରହିବ। ଆଜିର ପ୍ରଥମ ମ୍ୟାଚ କଳାହାଣ୍ଡିର ପୀୟୂଷ ମିଶ୍ର ଓ ଖୋର୍ଦ୍ଧାର ବରୁଣ ବିଶ୍ବାଳଙ୍କ ମଧ୍ୟରେ ହୋଇଥିଲା । ଏଥିରେ ପୀୟୂଷ ମିଶ୍ର ୨୧-୧୨, ୨୧-୦୯ ସେଟରେ ବିଜୟୀ ହୋଇଥିଲେ ।

ଇଟିଭି ଭାରତ, କଳାହାଣ୍ଡି