ବିଚ ରାସ୍ତାରେ ଯୁବତୀଙ୍କୁ ନିର୍ଦ୍ଦୟ ଭାବେ ମାଡ଼ ମାରିଲେ ଯୁବକ, ଭିଡିଓ ଭାଇରାଲ

ଗାନ୍ଧୀନଗର: ବର୍ବରୋଚିତ... ଅମାନୁସିିକ... ନୃଶଂସ । ବିଚ୍‌ ରାସ୍ତାରେ ଯୁବତୀଙ୍କୁ ଦୁର୍ବ୍ୟବାହାର । ଡ୍ରେସ୍‌ ଚିରି, ଚୁଟି ଘୋଷାଡ଼ି ମାଡ ମାରିଲେ ଯୁବକ । ଏଭଳି ଘଟଣା ଘଟିଛି ଗୁଜୁରାଟର ଅହମ୍ମଦାବାଦର ସିଦ୍ଧୁ ଭବନ ରୋଡରେ । ଯାହାର ଭିଡିଓ ସିସିଟିଭିରେ କଏଦ ହେବା ପରେ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ଦେଖିବାକୁ ମିଳିଛି ଯେ, ଜଣେ ଯୁବକ ଯୁବତୀଙ୍କୁ ଅତି ନିର୍ଦୟ ଭାବେ ମାଡ଼ ମାରୁଛନ୍ତି । ରାସ୍ତାରେ ଯୁବତୀଙ୍କ ପଛେପଛେ ଯାଇ ମାଡ ମାରୁଛନ୍ତି ଯୁବକ। ଏହାପରେ ଯୁବତୀଙ୍କୁ ଡ୍ରେସକୁ ଚିରି ଦେବା ସହ ତାଙ୍କ ଚୁଟି ଧରି ଟାଣି ଟାଣି ନେଉଥିବା ଦେଖିବାକୁ ମିଳିଛି । ଘଟଣାସ୍ଥଳରେ ଜଣେ ସିକ୍ୟୁରିଟି ଗାର୍ଡ ଉପସ୍ଥିତ ଥିଲେ ମଧ୍ୟ କେହି ବି ଯୁବକଙ୍କ ଜଣଙ୍କୁ ଅଟକାଉନଥିବା ଦେଖିବାକୁ ମିଳିଛି । ବିଚ୍‌ ରାସ୍ତାରେ ଯୁବତୀଙ୍କୁ କାହିଁକି ଯୁବକ ଜଣଙ୍କ ମାଡ ମାରିଲେ ତାହାର କାରଣ ଅସ୍ପଷ୍ଟ ରହିଛି । ଏହି ଭିଡିଓ ଭାଇରାଲ ପରେ ପୋଲିସ ଘଟଣାର ତଦନ୍ତ କରୁଛି । ଯୁବତୀଙ୍କ ମାଡ଼ ମାରୁଥିବା ଯୁବକ ହେଉଛନ୍ତି ସ୍ପା ମ୍ୟାନେଜର ମୋହସିନ୍ ।