ପ୍ରଦୀପଙ୍କ କଣ୍ଠରେ ଚିର ସବୁଜ ଅକ୍ଷୟ ମହାନ୍ତିଙ୍କ ଗୀତ, ଗାଉଛନ୍ତି ତାଙ୍କ ପରି ଅବିକଳ ଗୀତ

ଖୋର୍ଦ୍ଧା: ଆଜି ଚିର ସବୁଜ ଅକ୍ଷୟ ମହାନ୍ତିଙ୍କ ଜନ୍ମ ଦିନ । ସାରା ରାଜ୍ୟ ଆଜି ତାଙ୍କୁ ଓ ତାଙ୍କ ସୁମଧୁର ସଙ୍ଗୀତକୁ ମନେ ପକାଉଛି । ପ୍ରେମିକ ପ୍ରେମିକା ହୁଅନ୍ତୁ ଅବା ମଧ୍ୟ ବୟସ୍କ କି ବୃଦ୍ଧ ତାଙ୍କ ସଙ୍ଗୀତର ଯାଦୁରେ ସମସ୍ତେ ହେଉଥିଲେ ମନ୍ତ୍ରମୁଗ୍ଧ । କେଉଁଠି ନା କେଉଁଠି ପ୍ରତ୍ୟକଟି ବ୍ୟକ୍ତି ଗୁଣୁଗୁଣାଉଥାନ୍ତି ତାଙ୍କ ଗୀତ । ସ୍ବର୍ଗତ ଅକ୍ଷୟ ମହାନ୍ତିଙ୍କର ଜଣେ ଅନନ୍ୟ ଶିଷ୍ୟ ହେଉଛନ୍ତି ସୁନାଖଳା ଅଞ୍ଚଳର ପ୍ରଦୀପ୍ତ ମହାପାତ୍ର । ଅକ୍ଷୟ ମହାନ୍ତିଙ୍କ ପ୍ରତିଟି ଗୀତକୁ ଅବିକଳ ନକଲ କରି ଗାଇବାରେ ସିଦ୍ଧହସ୍ତ ପ୍ରଦୀପ୍ତ ମହାପାତ୍ର । ପ୍ରଦୀପ୍ତଙ୍କ କଣ୍ଠରୁ ଯିଏ ଗୀତ ଶୁଣିଛି ସିଏ ଅକ୍ଷୟ ମହାନ୍ତିଙ୍କୁ ମନେ ପକାଇଛି । ଆଉ ଅକ୍ଷୟ ମହାନ୍ତିଙ୍କୁ ଆଜିବି ତାଙ୍କ ସୁମଧୁର କଣ୍ଠରେ ବଞ୍ଚାଇ ରଖିଛନ୍ତି । ଅକ୍ଷୟଙ୍କ ଠାରୁ ବିଧିବଦ୍ଧ ଭାବେ ସଙ୍ଗୀତ ଶିକ୍ଷା କରି ନଥିଲେ ମଧ୍ୟ ତାଙ୍କୁ ଗୁରୁ ଭାବେ ମନରେ ଭାବି ତାଙ୍କରି ଗୀତ ଗାଇ ଅନେକ ସଫଳତା ସାଉଁଟିଥିବା କହିଛନ୍ତି ପ୍ରଦୀପ୍ତ । ଅକ୍ଷୟ ଗାଇଥିବା ବିଭିନ୍ନ ଗୀତକୁ ଅବିକଳ ଅକ୍ଷୟଙ୍କ ଭଳି ଗାଇ ସ୍ଥାନୀୟ ଅଞ୍ଚଳରେ ସେ ଆଉ ଜଣେ ଅକ୍ଷୟ ମହାନ୍ତିର ଆଖ୍ୟା ପାଇଛନ୍ତି ।
 

ଇଟିଭି ଭାରତ ଖୋର୍ଦ୍ଧା