Atiq Ahmed Murder: ପ୍ରତିକ୍ରିୟା ରଖିଲେ ଅତିକ ହତ୍ୟାକାରୀର ବାପା

ଲକ୍ଷ୍ନୌ: ଉମେଶ ପାଲ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗ୍ୟାଙ୍ଗଷ୍ଟାର ଅତିକ ଅହମ୍ମଦ ଓ ତାର ଭାଇ ଅସରଫକୁ ଗୁଳି କରି ହତ୍ୟା କରାଯାଇଛି। ପୋଲିସ ଏହି ଘଟଣାରେ 3 ଜଣଙ୍କୁ ଗିରଫ କରିଛି । ତିନି ଅଭିଯୁକ୍ତ ହେଉଛନ୍ତି ଲୋଭଲେସ ତିଓ୍ବାରୀ, ସନି ଓ ଅରୁଣ ମୋର୍ଯ୍ୟ । ଗ୍ୟାଙ୍ଗଷ୍ଟାରକୁ ଗୁଳି କରି ହତ୍ୟା କରିବା ପରେ ଏନେଇ ଅଭିଯୁକ୍ତ ଲୋଭଲେସର ବାପାଙ୍କ ପ୍ରତିକ୍ରିୟା ସାମ୍ନାକୁ ଆସିଛି । 

ଅଭିଯୁକ୍ତର ବାପା କହିଛନ୍ତି କି, ସେ କିପରି ପ୍ରୟାଗରାଜରେ ପହଞ୍ଚି ହତ୍ୟାକାଣ୍ଡ ଘଟାଇଲା ତାହା ଆମକୁ ଜଣାନାହିଁ । ସେ ଡ୍ରଗ ଆଡିକ୍ଟେଡ ଥିଲା । ତା ବିଷୟରେ ଆମକୁ କିଛି ଜଣା ନାହିଁ । ସେ ଘରେ ରହୁନଥିଲା । ଏକ ମାମାଲାରେ ସେ ପୂର୍ବରୁ ଜେଲ ମଧ୍ୟ ଯାଇଥିଲା । ଟିଭି ଦେଖିବା ପରେ ଆମେ ଜାଣିବାକୁ ପାଇଲୁ ଯେ ମୋ ପୁଅ ଅତିକ ଅହମ୍ମଦକୁ ଗୁଳି କରି ହତ୍ୟା କରିଛି ବୋଲି କହିଛନ୍ତି ଲୋଭଲେସର ବାପା । ଶନିବାର ରାତିରେ ପ୍ରୟାଗରାଜର କାଲଭିନ ହସ୍ପିଟାଲ ନିକଟରେ ଅତିକକୁ ଗୁଳି କରି ହତ୍ୟା କରାଯାଇଥିଲା ।  

ବ୍ୟୁରୋ ରିପୋର୍ଟ, ଇଟିଭି ଭାରତ