୨ ଯାତ୍ରୀବାହୀ ବସ୍‌ ମୁହାଁମୁହିଁ ଧକ୍କା, 15ରୁ ଅଧିକ ଆହତ

ବାଲେଶ୍ବର: ବାଲେଶ୍ୱରର ତାମୂଳିଆ ଓଭର ବ୍ରିଜରେ ଦୁଇଟି ଘରୋଇ ବସ ମୁହାଁମୁହିଁ ଧକ୍କା । ଏନେଇ ଉଭୟ ବସ୍ ର ୧୫ରୁ ଅଧିକ ଯାତ୍ରୀ ଆହତ  । ସମସ୍ତ ଆହତଙ୍କୁ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଥିବା ଜଣାପଡିଛି  । ବାଲେଶ୍ବରରୁ ବାରିପଦା ଅଭିମୁଖେ ଯାଉଥିବା ଅଜୟ ବସ୍ ଏବଂ ଭୁବନେଶ୍ବରରୁ ବାଲେଶ୍ବର ଅଭିମୁଖେ ଆସୁଥୁବା ଅରବିନ୍ଦ ନାମକ ଯାତ୍ରୀବାହୀ ବସ୍ ଦୁର୍ଘଟଣାଗ୍ରସ୍ତ ହୋଇଛନ୍ତି । ଯେଉଁଥିରେ ଉଭୟ ବସ୍‌ର ୧୫ରୁ ଅଧିକ ଯାତ୍ରୀ ଆହତ ହୋଇଥିବା ବେଳେ କାହାରି ମୃତ୍ୟୁ ହୋଇ ନଥିବା ଜଣାପଡିଛି । ବସ୍‌ ଓଭରଟେକ କରୁଥିବା ବେଳେ ଏଭଳି ଦୁର୍ଘଟଣା ଘଟିଥିବା କୁହାଯାଉଛି । ଅନ୍ୟପଟେ ଏହି ଓଭର ବ୍ରିଜ ବାଲେଶ୍ଵର ସହର ଭିତରକୁ ଏକମାତ୍ର ରାସ୍ତା ହୋଇଥିବା ବେଳେ ଦୁର୍ଘଟଣା ପରେ ସମ୍ପୂର୍ଣ୍ଣ ଭାବେ ରାସ୍ତା ଜାମ ରହିଥିବା ଦେଖିବାକୁ ମିଳିଛି ।  ଓଭର ବ୍ରିଜ ଉପରେ ଯାନବାହାନ ପାସ୍‌ କରାଇବା ପାଇଁ ପୋଲିସ ମୁତୟନ ରହିଛି  ।  

ଇଟିଭି ଭାରତ, ବାଲେଶ୍ବର