କନ୍ଧମାଳରେ ରାଜ୍ୟସ୍ତରୀୟ ପୁରୁଷ ଭଲି ବଲ ଟୁର୍ଣ୍ଣାମେଣ୍ଟ ଆରମ୍ଭ

ଫୁଲବାଣୀ: ଆଜି କନ୍ଧମାଳରେ ଆରମ୍ଭ ହୋଇଛି 70 ତମ ରାଜ୍ୟ ସ୍ତରୀୟ ପୁରୁଷ ଭଲି ବଲ ଟୁର୍ଣ୍ଣାମେଣ୍ଟ । ଫୁଲବାଣୀ କରୋନେସନ ପଡିଆରେ କନ୍ଧମାଳ ସାଂସଦ ଅଚ୍ୟୁତ ସାମନ୍ତ ଏହାକୁ ଅନୁଷ୍ଠାନିକ ଭାବେ ଉଦଘାଟନ କରିଛନ୍ତି ।ଏଥିରେ ରାଜ୍ୟର ମୋଟ 30ଟି ଜିଲ୍ଲାରୁ 31ଟି ଦଳ ଭାଗ ନେଇଛନ୍ତି । ଏହା ଜିଲ୍ଲାର ୩ଟି ସ୍ଥାନ ଯଥା ଫୁଲବାଣୀ, ବାଲିଗୁଡା ଓ ରାଇକିଆ ଠାରେ ମ୍ୟାଚ ଅନୁଷ୍ଠିତ ହେବ । ସେଥି ମଧ୍ୟରୁ ଫୁଲବାଣୀରେ 19ଟି ଦଳ, ବାଲିଗୁଡାରେ 6ଟି ଦଳ ଓ ରାଇକିଆ ଠାରେ 6ଟି ଦଳ ଖେଳିବେ । 

ଏହାଛଡା କନ୍ଧମାଳର ଲୋକପ୍ରିୟ ଢ଼ାବା ଭଳିବଲ ଖେଳକୁ ସାଂସଦଙ୍କ ପରାମର୍ଶ କ୍ରମେ 12 ଟି ଢ଼ାବା ଭଳିବଲ ଟିମକୁ ନେଇ ଦାରିଙ୍ଗବାଡି ଠାରେ ଆୟୋଜନ କରାଯାଇଛି । ତେବେ ମହିଳା ଭଲିବଲ ଟୁର୍ଣ୍ଣାମେଣ୍ଟ ବୌଦ୍ଧ ଠାରେ ଖେଳାଯିବ । ସେଥିରେ ମୋଟ 15ଟି ଦଳ ଅଂଶଗ୍ରହଣ କରିବେ ବୋଲି ସାଂସଦ ସୂଚନା ଦେଇଛନ୍ତି । ଏହି ଖେଳ ଆଜିଠାରୁ ଆରମ୍ଭ ହୋଇ ଆସନ୍ତା 10 ତାରିଖ ପର୍ଯ୍ୟନ୍ତ ଚାଲିବ । ଉଦଘାଟନୀ ଉତ୍ସବରେ କନ୍ଧମାଳ ଜିଲ୍ଲାପାଳ ଆଶିଷ ଈଶ୍ୱର ପାଟିଲ, ଫୁଲବାଣୀ ବିଧାୟକ ଅଙ୍ଗଦ କଂହର, ରାଜ୍ୟ ଭଲିବଲ ସମ୍ପାଦକ ଗଗନେନ୍ଦୁ ଦାସ, ଜିଲ୍ଲା କ୍ରୀଡା ସଙ୍ଘର ସମ୍ପାଦକ ଶିବ ପ୍ରସାଦ ତ୍ରିପାଠୀ ଓ ରାଜ୍ୟ ଭଲି ବଲ ସଂଘର କାର୍ଯ୍ୟକାରୀ ସଭାପତି ଯୋଗ ଦେଇଥିଲେ l

ଏହା ମଧ୍ୟ ପଢନ୍ତୁ....ଦକ୍ଷିଣ ଆଫ୍ରିକାରେ ଭାରତ, 10ରୁ ଟି-20 ସିରିଜ

ଇଟିଭି ଭାରତ, କନ୍ଧମାଳ