Suna Besha: ଆଃ..କି ସୁନ୍ଦର ଦୃଶ୍ୟ, ଜନସମୁଦ୍ର ପାଲଟିଛି ବଡ଼ଦାଣ୍ଡ

ପୁରୀ: ଆଜି ରାତି ୧୨ଟା ପର୍ଯ୍ୟନ୍ତ ସୁନାବେଶରେ ଭକ୍ତଙ୍କୁ ଦର୍ଶନ ଦେବେ ମହାପ୍ରଭୁ । ରାତି ବଢିବା ସାଙ୍ଗକୁ ଜନସମୁଦ୍ର ପାଲଟିଛି ବଡ଼ଦାଣ୍ଡ । ସମସ୍ତେ ଏଠି ଏକାକାର । ନା ଅଛି ଧନୀ ଗରିବର ଭେଦଭାବ, ନା ଅଛି ଜାତିର । ଗୋଟିଏ ପରିଚୟ ନେଇ ସମସ୍ତେ ଏଠାକୁ ଧାଇଁଛନ୍ତି । ବ୍ରହ୍ମାଣ୍ଡ ଠାକୁରଙ୍କ ସ୍ବର୍ଣ୍ଣ ବେଶ ଦେଖିବା ଲାଗି କିଏ କେଉଁଠୁ ଧାଇଁ ଆସିଛି । କୁହାଯାଏ ରଥଯାତ୍ରା ଅପେକ୍ଷା ବାହୁଡ଼ା ଓ ସୁନାବେଶର ଏହା ଦ୍ବିଗୁଣିତ ଭିଡ଼ ପରିଲକ୍ଷିତ ହୁଏ । ଯାହାକି ସ୍ପଷ୍ଟ ବାରି ହୋଇପଡୁଛି । ଲୋକାରଣ୍ୟ ହୋଇଉଠିଛି ଶ୍ରୀକ୍ଷେତ୍ର । ସେପଟେ ରଥାରୂଢ ହୋଇ ଚତୁର୍ଦ୍ଧାବିଗ୍ରହ ଭକ୍ତଙ୍କୁ ଦର୍ଶନ ଦେଉଛନ୍ତି । ଅନ୍ଧାର ରାତି ସାଙ୍ଗକୁ ମହଣ ମହଣ ସ୍ବର୍ଣ୍ଣ ଅଳଙ୍କାରରେ ଆଭୂଷିତ ହୋଇଥିବା ଶ୍ରୀଜିଉ ଚମକି ଉଠିଛନ୍ତି । ଅପୂର୍ବ ଦର୍ଶନ କରି କୃତ୍ୟ କୃତ୍ୟ ହୋଇଛି ଭକ୍ତ ।  

ଇଟିଭି ଭାରତ, ପୁରୀ