ICC ଟେଷ୍ଟ ମାନ୍ୟତା ଶୀର୍ଷରେ ଭାରତ, ବାଲୁକା କଳାରେ ଶୁଭେଚ୍ଛା ଜଣାଇଲେ ସୁଦର୍ଶନ

ପୁରୀ: ଆଇସିସି ତାର ସଦ୍ୟ ଟେଷ୍ଟ ରାଙ୍କିଂ ତାଲିକା ପ୍ରକାଶ କରିଛି । ଏଥିରେ ଅଷ୍ଟ୍ରେଲିଆକୁ ପଛରେ ପକାଇ ଶୀର୍ଷ ସ୍ଥାନରେ ଭାରତ । ବିଶ୍ବ ଟେଷ୍ଟ ଚମ୍ପିଅନସିପ ପୂର୍ବରୁ ଭାରତକୁ ଏହି ସଫଳତା ମିଳିଛି । ଏନେଇ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଭାରତୀୟ ଦଳକୁ ଶୁଭେଚ୍ଛା ଜଣାଇଛନ୍ତି । ପୁରୀ ବେଳାଭୂମିର ନିଳାଦ୍ରୀ ବିଚରେ ବାଲିରେ ଏକ ଷ୍ଟାଡିୟମ୍ ପ୍ରତିକୃତି କରି ସୁଦର୍ଶନ ପଟ୍ଟନାୟକ ଟିମ୍ ଇଣ୍ଡିଆକୁ ଶୁଭେଚ୍ଛା ଦେଇଛନ୍ତି । ବାଲିରେ ଷ୍ଟାଡିୟମ ଆକୃତି ଚିତ୍ର କରିବା ସହ ମଧ୍ୟ ଭାଗରେ ଟିମ ଇଣ୍ଡିଆ ଲେଖିବା ସହ ଶୁଭେଚ୍ଛା ଜଣାଇଛନ୍ତି । ତଳଭାଗକୁ ବିଶ୍ବର ନମ୍ବର ୱାନ ଟେଷ୍ଟ ଦଳ ଲେଖିବା ସହ ଗୋଟିଏ ପାଖରେ ତ୍ରିରଙ୍ଗା ରଙ୍ଗରେ ବ୍ୟାଟ କରିଛନ୍ତି । ଗତ 2021 ଡିସେମ୍ବରରେ ଭାରତ ଶେଷ ଥର ଶୀର୍ଷ ସ୍ଥାନରେ ରହିଥିଲା । 2022 ମେରୁ ଶେଷ ହୋଇଥିବା ସିରିଜର ଫଳାଫଳକୁ ବିଚାରକୁ ନେଇ ଆସିସି ଟେଷ୍ଟ ରାଙ୍କିଂ ପ୍ରକାଶ କରିଛି । 121 ପଏଣ୍ଟ ପାଇ ଶୀର୍ଷରେ ରହିଛି ଟିମ ଇଣ୍ଡିଆ ।