ପଶ୍ଚିମବଙ୍ଗରେ ବିଜେପି ଶୋଭାଯାତ୍ରା ଉପରକୁ ପଥରମାଡ, ଏକାଧିକ ଆହତ

କୋଲକାତା: ପଶ୍ଚିମବଙ୍ଗରେ ରାମ ନବମୀରୁ ଆରମ୍ଭ ହୋଇଥିବା ହିଂସା ପ୍ରଶମିତ ହେବାର ନାଁ ନେଉନାହିଁ । ଆଜି(ରବିବାର) ହୁଗୁଳିରେ ଭାରତୀୟ ଜନତା ପାର୍ଟି ପକ୍ଷରୁ ଆୟୋଜିତ ଏକ ଶୋଭାଯାତ୍ରାରେ ପଥରମାଡ ହୋଇଥିବା ସୂଚନା ମିଳିଛି । ଏଥିରେ ବହୁ ବିଜେପି କର୍ମୀ ଆହତ ହୋଇଛନ୍ତି । ବିଜେପି ପକ୍ଷରୁ ସଂଧ୍ୟାରେ ଏହି ଶୋଭାଯାତ୍ରା ବାହାର କରାଯାଇଥବା ବେଳେ ଏକ ନିର୍ଦ୍ଦିଷ୍ଟ ଗୋଷ୍ଠୀ ପଥରମାଡ କରିଥିବା ସୂଚନା ମିଳିଛି । ପୋଲିସ ଘଟଣାସ୍ଥଳରେ ପହଞ୍ଚି ସ୍ଥିତି ନିୟନ୍ତ୍ରଣ କରିଛି । ରାମ ନବମୀରେ ହାଓ୍ବଡାରେ ବ୍ୟାପକ ହିଂସା ଦେଖା ଯାଇଥିଲା । ପଥରମାଡ ସହ ଗାଡି ଜଳାପୋଡା ହୋଇଥିଲା । ଏହି ଘଟଣାର ତଦନ୍ତ ଜାରି ରହିଥିଲେ ସୁଦ୍ଧା ରାଜ୍ୟର ବିଭିନ୍ନ ସ୍ଥାନରେ ଏବେ ମଧ୍ୟ ଉତ୍ତେଜନାପୂର୍ଣ୍ଣ ସ୍ଥିତି ଲାଗିରହିଛି । ହାଓ୍ବାଡା ହିଂସାକାଣ୍ଡକୁ ଏକ ଯୋଜନାବଦ୍ଧ ଷଡଯନ୍ତ୍ର ଦର୍ଶାଇ ବିଜେପି ଏହାର କେଦ୍ରୀୟ ସଂସ୍ଥା ଦ୍ବାରା ତଦନ୍ତ କରିବାକୁ ଦାବି କରିଛି ।