Balasore Train Accident: ଫଟୋ ଦେଖି ଆତ୍ମୀୟଙ୍କ ମୃତଦେହ ଚିହ୍ନୁଛନ୍ତି ସମ୍ପର୍କୀୟ

ବାଲେଶ୍ବର: ବାଲେଶ୍ବର ରେଳ ଦୁର୍ଘଟଣା ଅନେକ ପରିବାରକୁ ଛାରଖାର କରିପକାଇଛି । କାହାର ସିନ୍ଦୂର ପୋଛି ଦେଇଛି ତ, ଆଉ କେତେବେଳେ କାହାର କୋଳ ଶୂନ୍ୟ କରିଦେଇଛି । କେହି କିଛି ଭାବିବା ଆଗରୁ ମାତ୍ର କେଇ ମିନିଟ ଭିତରେ ଘଟିଯାଇଥିଲା ଦୁର୍ଘଟଣା । ଏହି ଦୁର୍ଘଟଣାରେ ମୃତ୍ୟୁ ଘଟିଥିବା ଯାତ୍ରୀଙ୍କ ଚିହ୍ନଟ ପାଇଁ ପ୍ରକ୍ରିୟା ଆରମ୍ଭ ହୋଇଛି । ନମ୍ବର ଅନୁସାରେ ଲଗାଯାଇଥିବା ଫଟୋ ଚିତ୍ରକୁ ଦେଖି ଆତ୍ମୀୟ ମାନେ ମୃତଦେହ ଚିହ୍ନିବାକୁ ପ୍ରୟାସ କରୁଛନ୍ତି । ମୃତଦେହ ଗୁଡିକ ଏତେ କ୍ଷତବିକ୍ଷତ ହୋଇଯାଇଛି ଯେ ତାହା ଫଟୋରେ ଦେଖିବା ବି ବେଶ କଷ୍ଟଦାୟକ । ଏହାରି ଭିତରେ ଅନେକ ନିଜ ସମ୍ପକୀୟଙ୍କ ମୃତଦେହ ପାଇ ନଥିବା ଅଭିଯୋଗ କରିଛନ୍ତି । ଯେଉଁମାନଙ୍କୁ ମୃତଦେହ ମିଳୁଛି ପ୍ରଶାସନ ପକ୍ଷରୁ ଆମ୍ବୁଲାନ୍ସ ଯୋଗେ ସେମାନଙ୍କ ଘରକୁ ପଠାଇବାର ବ୍ୟବସ୍ଥା କରାଯାଇଛି । ଅନ୍ୟପଟେ ଜିଲ୍ଲା ପ୍ରଶାସନ ପକ୍ଷରୁ ଡକାଯାଇ ମୃତକଙ୍କ ପରିବାରକୁ ସରକାରୀ ସହାୟତା ପ୍ରଦାନ କରାଯାଇଛି । 

ଇଟିଭି ଭାରତ, ବାଲେଶ୍ବର