Ratha Yatra 2023: ହରିବୋଲ କ୍ଷେତ୍ରରେ ମହାଆଡମ୍ବରରେ ରଥଯାତ୍ରା ଅନୁଷ୍ଠିତ

ଭଦ୍ରକ: ପ୍ରତିବର୍ଷ ପରି ଚଳିତ ବର୍ଷ ମଧ୍ୟ କେଶପୁରର ହରିବୋଲ କ୍ଷେତ୍ରରେ ରଥଯାତ୍ରା ମହାସମାରୋହ ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ଜଗତରନାଥ ପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଏବଂ ମାତା ସୁଭଦ୍ରାଙ୍କ ସ୍ୱତନ୍ତ୍ର ପୂଜା ନୀତି ପରେ ପହଣ୍ଡି ବିଜେ କରାଯାଇଥିଲା । ପରେ ତିନି ଠାକୁରଙ୍କୁ ରଥା ରୁଢ଼ କରାଯାଇଥିଲା । ଏଥିରେ ଭଦ୍ରକ ଜିଲ୍ଲାପାଳ ସିଦ୍ଧେଶ୍ଵର ବଳିରାମ ବନ୍ଦୋର ଯୋଗ ଦେଇ ପ୍ରଥା ତଥା ପରମ୍ପରା ଅନୁଯାଇ ତିନି ଠାକୁରଙ୍କ ଛେରା ପହଁରା କରିବା ପରେ ରଥ ଟଣା ଆରମ୍ଭ ହୋଇଥିଲା । ତେବେ ହଜାର ହଜାର ଭକ୍ତଙ୍କ ମେଳରେ ମହାପ୍ରଭୁ ବଡ ଠାକୁର କାଳିଆ ସାଆନ୍ତ, ବଡ ଭାଇ ବଳଭଦ୍ର ଏବଂ ଭଉଣୀ ସୁଭଦ୍ରଙ୍କୁ ସାଥିରେ ଧରି ମାଉସୀ ମା’ ମନ୍ଦିରକୁ ଯାଇଛନ୍ତି ।

ତେବେ ଏହି ରଥଯାତ୍ରାରେ ମା’ ସୁଭଦ୍ରାଙ୍କ ରଥକୁ ମହିଳା ଭକ୍ତମାନେ ଟାଣିବା ଦୃଶ୍ୟ ଅତ୍ୟନ୍ତ ଭାବମୟ ହୋଇଥିଲା । ଶ୍ରୀ ଜଗନ୍ନାଥ ମନ୍ଦିର ନିକଟରୁ ମାଉସୀମା ମନ୍ଦିର ପର୍ଯ୍ୟନ୍ତ ପତାକା ଲଗାଯିବା ସହିତ ପଇଡ, ଟଙ୍କ ତୋରାଣୀ ଏବଂ ଅଧରପଣାର ଭକ୍ତମାନଙ୍କ ପାଇଁ ବ୍ୟବସ୍ଥା କରାଯାଇଥିଲା । ଏଥି ସହିତ ଶ୍ରୀ ଜଗନ୍ନାଥ ମନ୍ଦିର ଏବଂ ମାଉସୀମା ମନ୍ଦିର ନିକଟରେ ପ୍ରସାଦ ବଣ୍ଟନ କରାଯାଇଥିଲା । ଏଥିରେ ପ୍ରଶାସନ ପକ୍ଷରୁ ସ୍ୱାସ୍ଥ୍ୟ, ବିଜୁଳି, ଅଗ୍ନିଶମ ବିଭାଗ, ପାନୀୟ ଜଳ, ସଡକ, ସୂଚନା ଏବଂ ଲୋକସମ୍ପର୍କ ଆଦି ବିଭାଗ ସହଯୋଗ କରିଥିଲେ । 
 

ଇଟିଭି ଭାରତ, ଭଦ୍ରକ