Ratha Yatra 2023: ଗଡ଼ିଲା ଦେବୀ ଶୁଭଦ୍ରାଙ୍କ ରଥ

ପୁରୀ: ଶ୍ରୀକ୍ଷେତ୍ର ପୁରୀରେ ଆରମ୍ଭ ହୋଇଛି ରଥଟଣା । ବଡ ଠାକୁର ବଳଭଦ୍ରଙ୍କ ତାଳଧ୍ବଜ ରଥର ଚାରମାଳ ଫିଟା, ଘୋଡା ଓ ସାରଥୀ ଲାଗିବା ପରେ ପ୍ରଥମେ ତାଳଧ୍ବଜ ରଥଟଣା ଆରମ୍ଭ ହୋଇଛି । ଆଗରେ ବଡ଼ ଭାଇଙ୍କ ରଥ ଘର୍ଘର ହୋଇ ଗଡ଼ି ଚାଲିଥିବା ବେଳେ ପଛରେ ରହିଛି ସାନ ଭଉଣୀ ଦେବୀ ଶୁଭଦ୍ରାଙ୍କ ରଥ । ଭାଇ ଭଉଣୀ ଆଡ଼ପ ମଣ୍ଡପ ଅଭିମୁଖେ ଉତ୍ସାହର ସହିତ ବାହାରିଛନ୍ତି । ସେପଟେ ଭକ୍ତ ମଣ୍ଡଳୀ ନିଜକୁ ଭାଗ୍ୟମାନ ମଣି ଟାଣୁଛନ୍ତି ରଥ । 

ତାଳଧ୍ବଜ ରଥ ପଛକୁ ଦେବୀ ଶୁଭଦ୍ରାଙ୍କ ଦର୍ପଦଳନ ବା ଦେବଦଳନ ରଥ ଟଣା ଆରମ୍ଭ ହୋଇଛି । ସେପଟେ କଣେଇ କଣେଇ ଚାହୁଁଛି କାଳିଆ । ଆଉ କିଛି ସମୟ ପରେ କଳା ଠାକୁର ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥ ଟଣା ମଧ୍ୟ ଆରମ୍ଭ ହେବ । ସେପଟେ ରଥଯାତ୍ରା ଅବସରରେ ଟାଣ ଖରାକୁ ଖାତିର ନ କରି ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ଭିଡ଼ ଜମିଛି । 

ଇଟିଭି ଭାରତ, ପୁରୀ