ଏସଏଲଏସ ସ୍କୁଲ ଛାତ୍ରଛାତ୍ରୀଙ୍କ ସହ କଥା ହେବେ ରାଷ୍ଟ୍ରପତି, ସଭିଁଙ୍କ ମନରେ ଉତ୍ସାହ

ରାଇରଙ୍ଗପୁର: ଆଉ କିଛି ସମୟ ପରେ ଜନ୍ମମାଟିରେ ପହଞ୍ଚିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ରାଷ୍ଟ୍ରପତିଙ୍କୁ ସ୍ବାଗତ କରିବା ପାଇଁ ସମସ୍ତଙ୍କ ମନରେ ଉତ୍ସାହ । ମୟୂରଭଞ୍ଜରେ ପହଞ୍ଚିବା ପରେ ଦ୍ରୌପଦୀ ମୁର୍ମୁ ନିଜ ସ୍କୁଲ ପାହାଡପୁର ସ୍ଥିତ ଏସଏଲଏସ ସ୍ମାରକୀ ଆବାସିକ ବିଦ୍ୟାଳୟକୁ ଯିବେ । ସେଠାରେ ଛାତ୍ରଛାତ୍ରୀଙ୍କ ସହ କିଛି ସମୟ କଥା ହେବେ ରାଷ୍ଟ୍ରପତି । ମହାମହିମ ରାଷ୍ଟ୍ରପତିଙ୍କ ପାଇଁ ସ୍କୁଲରେ ପ୍ରସ୍ତୁତି ହୋଇଛି କାଠର ନୂଆ ଚୌକି । ସ୍କୁଲରେ ପହଞ୍ଚିବା ପରେ ରାଷ୍ଟ୍ରପତି ଏହି ନୂଆ ଚୌକିରେ ବସିବେ । 

ଶାଗୁଆନ ଓ ପିଆଶାଳରେ ଏକି ଚୌକି ନିର୍ମିତ ହୋଇଛି । ଏସଏଲଏସ୍ ସ୍ମାରକୀ ଆବାସିକ ବିଦ୍ୟାଳୟରେ ଏହି ଚୌକିକୁ ରଖାଯାଇଥିବା ବେଳେ ବିଦ୍ୟାଳୟକୁ ମଧ୍ୟ ଚକାଚକ୍ କରାଯାଇଛି । ତେବେ ଛାତ୍ରଛାତ୍ରୀଙ୍କ ସହ ରାଷ୍ଟ୍ରପତି ଆଲୋଚନା କରିବାକୁ ଥିବା ବେଳେ ସମସ୍ତେ ଖୁବ ଉତ୍ସାହିତ ଥିବା ଦେଖିବାକୁ ମିଳିଛି । ତେବେ ରାଷ୍ଟ୍ରପତିଙ୍କ ଠାରୁ ପ୍ରେରଣା ନେଇ ଆଗକୁ ବଢିବାର ପ୍ରୟାସ ଜାରି ରଖିବେ ବୋଲି ଛାତ୍ରଛାତ୍ରୀ ମାନେ କହିଛନ୍ତି ।

ଇଟିଭି ଭାରତ, ରାଇରଙ୍ଗପୁର