ଦିଲ୍ଲୀ ଜଗନ୍ନାଥ ମନ୍ଦିରରେ ପୂଜାର୍ଚ୍ଚନା କଲେ ରାଷ୍ଟ୍ରପତି ମୁର୍ମୁ

ନୂଆଦିଲ୍ଲୀ: ଆଜି ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ବପ୍ରସିଦ୍ଧ ପବିତ୍ର ରଥଯାତ୍ରା । ଏହି ଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦିଲ୍ଲୀର ହଜ ଖାସ୍ ସ୍ଥିତ ଜଗନ୍ନାଥ ମନ୍ଦିରରେ ପହଞ୍ଚି ପୂଜାର୍ଚ୍ଚନା କରିଛନ୍ତି  । ଆଜି ସକାଳୁ ରାଷ୍ଟ୍ରପତି ମନ୍ଦିର ଯାଇ ବିଶ୍ବନିୟନ୍ତାଙ୍କୁ ପ୍ରାର୍ଥନା କରିଛନ୍ତି  । ମହାମହିମଙ୍କ ସହିତ ତାଙ୍କର ଝିଅ ମଧ୍ୟ ଉପସ୍ଥିତ ରହିଥିଲେ  । ସେପଟେ ପବିତ୍ର ଘୋଷଯାତ୍ରା ପାଇଁ ଆଜି ଜନସମୁଦ୍ର ପାଲଟିଛି ପୁରୀ  । ଦେଶ ବିଦେଶରୁ ଲକ୍ଷ ଲକ୍ଷ ଭକ୍ତ ମହାପ୍ରଭୁଙ୍କୁ ଦର୍ଶନ ପାଇଁ ଛୁଟି ଆସିଛନ୍ତି  । ଏହି ପବିତ୍ର ଦିନରେ ଓଡ଼ିଶାର ଝିଅ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦିଲ୍ଲୀ ସ୍ଥିତ ଜଗନ୍ନାଥଙ୍କ ମନ୍ଦିର ପରିଦର୍ଶନ କରି ଓଡ଼ିଆଙ୍କ ଆରାଧ୍ୟ ଜଗନ୍ନାଥଙ୍କ ସାନିଧ୍ୟ ଲାଭ କରିଛନ୍ତି  । ଏଠାରେ ଉଲ୍ଲେଖଯୋଗ୍ୟ ଯେ, ଆଜି ରାଷ୍ଟ୍ରପତି ମୁର୍ମୁଙ୍କ ଜନ୍ମଦିନ  । ୬୫ ବର୍ଷରେ ପଦାର୍ପଣ କରିଛନ୍ତି ମହାମହିମ  । ୧୯୮୫ ମସିହା ଜୁନ ୨୦ରେ ମୟୂରଭଞ୍ଜ ଜିଲ୍ଲାରେ ସେ ଜନ୍ମଗ୍ରହଣ କରିଥିଲେ  ।