ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ଗହଣରେ ଦୀପାବଳି ପାଳିଲେ ଓଲିଉଡ଼ ସେଲିବ୍ରେଟି

ଭୁବନେଶ୍ବର: ନିଆରା ଢଙ୍ଗରେ ଦୀପାବଳୀ ସେଲିବ୍ରେସନ କଲେ ଓଲିଉଡ଼ ଅଭିନେତା ଓ ଅଭିନେତ୍ରୀ । ନୃତ୍ୟ ଗୀତ ମାଧ୍ୟମରେ ଦିବ୍ୟାଙ୍ଗ ଛାତ୍ରଛାତ୍ରୀମାନଙ୍କ ଗହଣରେ ପାଳନ କଲେ ଆଲୋକର ପର୍ବ ଦୀପାବଳି । ଭୁବନେଶ୍ୱର ଭରତପୁର ଦୁର୍ଗମାଧଵ ନଗର ଠାରେ ଥିବା ରାଜଧାନୀ ମୁଖ ବଧିର ଏବଂ ଲୁଇସ ବ୍ରେଲି ଦୃଷ୍ଟିବାଧିତ ସ୍କୁଲରେ ଏହି ଦୀପାବଳି ସେଲିବ୍ରେସନ କରାଯାଇଛି । ସିନେ କଳାକାର ବିଦୁସ୍ମିତା ଏବଂ ସୁଚିସ୍ମିତା ପୃଷ୍ଟିଙ୍କ ଦ୍ଵାରା ଆୟୋଜିତ ଏହି ଦୀପାବଳି ସେଲିବ୍ରେସନରେ ଅନୁ ଚୌଧୁରୀ, ପପୁ ଓ ଅନ୍ତରା, ସ୍ବୟଂ ପାଢ଼ୀ ଓ ବବି ମିଶ୍ର ପ୍ରମୁଖ ଓଲିଉଡର ବହୁ ନାମିଦାମୀ କଳାକାର ଓ କଣ୍ଠଶିଳ୍ପୀ ଯୋଗ ଦେଇଥିଲେ । ସ୍କୁଲ ପିଲାମାନଙ୍କ ପାଇଁ କଳାକାରମାନେ ନୃତ୍ୟଗୀତ ପରିବେଶଣ କରିଥିଲେ । ପ୍ରତ୍ୟେକ ବର୍ଷ ଦୀପାବଳିରେ ଏଭଳି କାର୍ଯ୍ୟକ୍ରମ ମାଧ୍ୟମରେ ପିଲାମାନଙ୍କୁ ଉତ୍ସାହିତ କରିବାକୁ ବହୁ କଳାକାର ସ୍ଵତଃପ୍ରବୃତ୍ତ ଭାବରେ ଆଗେଇ ଆସୁଛନ୍ତି ।   

ଏହା ମଧ୍ୟ ପଢ଼ନ୍ତୁ.....Diwali Celebration: ବୌଦ୍ଧରେ ମା' ମହାକାଳୀଙ୍କ ପୂଜନ, ବଡ ବଡିଆ ଡାକରେ କମ୍ପିଲା ଅଞ୍ଚଳ

ଇଟିଭି ଭାରତ, ଭୁବନେଶ୍ବର